بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اقتوبە وبلىسى كاسىپكەرلىك باسقارماسىنىڭ باسشىسى انار دارجانوۆا مالىمدەدى.

ونىڭ ايتۋىنشا ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسى اياسىندا كاسىپكەرلىك باسقارماسى "دامۋ" قورىمەن بىرلەسىپ، اقتوبە قالاسى مەن حرومتاۋ قالاسىنىڭ كاسىپكەرلەرىن شاعىن نەسيەمەن قامتۋدى ارتتىرۋ بويىنشا شارالار قابىلدانۋدا.

وسىعان بايلانىستى 17 قازان كۇنى حرومتاۋ قالاسىندا اشىق ەسىك كۇنىن وتكىزۋ جوسپارلانۋدا.

«اعىمداعى جىلى ءۇش جىلدان اسپايتىن مەرزىمگە تىركەلگەن اقتوبە جانە حرومتاۋ قالالارىنىڭ جۇمىسسىز جانە ءىسىن جاڭا باستاعان كاسىپكەرلەرىنە شاعىن نەسيە بەرۋ ءۇشىن رەسپۋبليكالىق جانە وبلىستىق بيۋدجەتتەن 1 ملرد تەڭگەدەن استام قارجى ءبولىندى. بۇل جۇمىس «ەڭبەك» باعدارلاماسى بويىنشا جۇزەگە اسىرىلۋدا. كاسىپكەرلەر بولاشاعى بار پەرسپەكتيۆتى جوبالارىمەن «دامۋ» قورىنا جۇگىنە الادى. وسى ماقساتتا 17 قازان كۇنى حرومتاۋ قالاسىندا ەكىنشى دەڭگەيدەگى بانكتەر جانە «اۋىل شارۋاشىلىعىن قارجىلاي قولداۋ قورى» اق اف مەن «اگرارلىق نەسيە كورپوراسياسى» اق اف قاتىسۋىمەن اشىق ەسىك كۇنى وتەدى»، - دەدى انار دارجانوۆا.

باعدارلاما اياسىندا تۋىنداعان ماسەلەلەردىڭ جولىن شەشۋ ءۇشىن، جاڭا جۇمىس ورىندارىن اشۋ ماقساتىندا كاسىپكەرلەردى كەپىلدەندىرۋ تەتىگى «دامۋ» كاسىپكەرلىكتى دامىتۋ قورى اق اف جۇزەگە اسىرىلادى. ءىسىن جاڭا باستاعان كاسىپكەرلەر ءۇشىن كەپىلدىك مولشەرى شاعىن نەسيە قۇنىنىڭ 85% – نا دەيىن، ال جۇمىس ىستەپ تۇرعاندار ءۇشىن-50% - عا دەيىن قۇرايدى.