اقتوبە وبلىسىنىڭ اكىمى بەردىبەك ساپاربايەۆ العا اۋدانىنا جۇمىس ساپارى كەزىندە مارجانبۇلاق اۋىلىنداعى اۋىلىشىلىك گاز تاراتۋ جەلىلەرىن ىسكە قوسۋعا قاتىستى.

بەلگىلى بولعانداي، مارجانبۇلاق اۋىلىنا ءتورت جىل بۇرىن گاز كىرگىزىلگەن. الايدا سول ۋاقىت ارالىعىندا اقتوبەدەن 15 شاقىرىم جەردە ورنالاسقان اۋىلدا جاڭا ەكى - باتىس جانە شىعىس تۇرعىن ءۇي الاپتارى پايدا بولدى. سول ەكى تۇرعىن ءۇي الابىنا 3 قازان، سارسەنبى كۇنى گاز بەرىلدى. مىڭعا جۋىق جەكە تۇرعىن ءۇي مەن توعىز الەۋمەتتىك نىسانعا كوگىلدىر وتىن بارۋ ءۇشىن بارلىعى 28،5 مىڭ مەتردەن اسا قۇبىر جۇرگىزىلگەن. جوبا قۇنى 290 ملن تەڭگەدەن اسادى.

- مەملەكەت باسشىسىنىڭ ساياساتى ازاماتتاردىڭ ءال-اۋقاتىن جاقسارتۋعا، ءاربىر قازاقستاندىق وتباسىن باسپانامەن قامتاماسىز ەتۋگە باعىتتالعان. بۇل ءسىزدىڭ اۋىلدىڭ مىسالىندا ايقىن كورىنەدى: نەبارى ءتورت جىل بۇرىن وسى جاڭا عيماراتتاردىڭ ورنىندا تەك دالالىق بولاتىن، ال بۇگىندە كوممۋنيكاسيالارمەن قامتاماسىز ەتىلگەن زاماناۋي داڭعاراداي ۇيلەر تۇر. اۋماقتى كوگالداندىرىپ، اباتتاندىرۋ جايىن دا ۇمىتپاۋلارىڭىزدى سۇرايمىن. اۋىلعا جاڭا مەكتەپ كەرەك ەكەنىن بىلەمىز. ءبىلىم باسقارماسىنا ءتيىستى تاپسىرما بەرىلگەنىنە كوپ بولدى، قۇجاتتارى ازىرلەنىپ جاتىر، - دەدى تۇرعىن ءۇي الاپتارىنىڭ تۇرعىندارىمەن تىلدەسكەن وبلىس اكىمى.

العا اۋدانىنىڭ قاراقۇدىق اۋىلىندا وبلىس اكىمى اۋىز سۋمەن قامتاماسىز ەتۋ جۇيەسىنىڭ سالتاناتتى اشىلۋىنا قاتىستى. جوبا قۇنى 556 ملن تەڭگە. ءۇش سورعىلاۋ ستانساسى ورناتىلىپ، 11 مىڭنان اسا قىسىمى جوعارى سۋ قۇبىرى، 10 مىڭعا جۋىق تۇرعىن ۇيلەرگە سۋ تارتاتىن قۇبىرلار جۇرگىزىلدى. اۋىلدا بارلىعى 1600 ادام تۇرادى. بۇدان باسقا، وبلىس اكىمى جۇمىس ساپارى كەزىندە اۋىل شارۋاشىلىعىنىڭ ءداستۇرلى ەمەس تۇرلەرىمەن اينالىساتىن شارۋا قوجالىقتارىمەن تانىستى. ولاردىڭ قاتارىندا، ەشكى ءسۇتىن شىعاراتىن «مارجانبۇلاق-ا» ج ش س بار. شارۋا قوجالىعى وسى جىلدىڭ ءساۋىر ايىندا «سىباعا» مەملەكەتتىك باعدارلاماسى اياسىندا گوللانديادان ەلۋ انالىق جانە ەكى اتالىق ەشكى مالىن ساتىپ الدى. جانۋارلار كوكتەمنەن باستاپ جەرسىندىرىلىپ، ەندىگى تولدەدى دە. قازىرگى تاڭدا 34 لاق بار، تاعى 16 لاق تولدەيدى دەپ كۇتىلۋدە. ەشكى ءسۇتى نارىققا پاستەرلەنگەن كۇيدە شىعارىلادى دەپ جوسپارلانىپ وتىر. ارنايى جابدىق جولدا كەلە جاتىر، - دەدى ج ش س ديرەكتورى اندرەي تەكەبايەۆ.

- 800 باسقا دەيىن كوبەيتەمىز. بىزدە 220 گەكتار جايىلىم جەرىمىز بار. 16 گەكتار جەر ءسۇت شىعارۋ جانە وڭدەۋ كەشەنىنە بەرىلدى. ىرگەتاسى قۇيىلىپ قويدى. ەشكى ساۋاتىن جانە تولدەيتىن زالدار بولادى، - دەدى اندرەي تەكەبايەۆ.

اقساي اۋىلدىق وكرۋگىندە ءوڭىر باسشىسى مال جانە ەگىن شارۋاشىلىقتارىمەن قاتار اينالىسىپ وتىرعان «ابىلاي» شارۋا قوجالىعىندا بولدى. بۇگىندە قوجالىق 500 باس جىلقى، 800 باس ءىرى قارا مال ۇستايدى، قىمىز شىعارىپ، 17 گەكتار سۋارمالى جەرگە كارتوپ، ءسابىز، قيار، قاربىز، قاۋىن ەگەدى.

قوجالىقتىڭ باستى پروبلەماسى - جۇمىسشىلار جەتىسپەيدى.

- مەحانيزاتورلار، باقتاشىلار جوق. اۋىلدا جۇمىسسىزدار از ەمەس، ءبىراق ولار مال باعىپ، اۋىل شارۋاشىلىعى تەحنيكاسىمەن جۇمىس ىستەگىلەرى كەلمەيدى. ۇلكەن پروبلەما وسى بولىپ وتىر. ەڭبەكاقىلارى دا جامان ەمەس سياقتى – 50 مىڭنان 100 مىڭعا دەيىن. سىرتتان ادام جالداۋعا تۋرا كەلەدى. قازىرگى تاڭدا مەندە وزگە وبلىستان كەلىپ ەڭبەك ەتىپ جاتقاندار بار، - دەپ ءبولىستى شارۋا قوجالىعىنىڭ ديرەكتورى قىدىرباي كسۋپوۆ ءوڭىر باسشىسىمەن اڭگىمەسىندە.