ماڭعىستاۋ وبلىسىنىڭ اكىمى ەرالى توعجانوۆ مەملەكەت باسشىسىنا وڭىردەگى كوممۋنالدىق قىزمەتتەر تاريفتەرى تۋرالى باياندادى. اقوردادا ەلباسى نۇرسۇلتان نازاربايەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىستا ەلەكتر جانە جىلۋ ەنەرگياسىنا قولدانىستاعى تاريفتەردىڭ قالىپتاسۋى، سونداي-اق ەنەرگەتيكالىق قىزمەت نارىعىندا باعا بەلگىلەۋدى باقىلاۋدى قامتاماسىز ەتەتىن مەملەكەتتىك ورگانداردىڭ قىزمەتى تالقىلاندى.

ماڭعىستاۋ وبلىسىندا قولدانىستاعى تاريفتەردى تومەندەتۋ بويىنشا ناقتى شارالار قابىلداندى. اعىمداعى جىلدىڭ 1 قىركۇيەگىنەن باستاپ اقتاۋ قالاسى بويىنشا ەلەكتر بەرۋ ءتاريفى 187 مىڭ ادامدى قامتۋىمەن 26% - عا تومەندەدى. بۇدان باسقا، اعىمداعى جىلدىڭ 1 شىلدەسىنەن باستاپ ەلەكتر ەنەرگياسىن ءوندىرۋ ءتاريفى 671،3 مىڭ تۇرعىندى قامتۋمەن 8% - عا تومەندەدى. ەكى ەنەرگيا بەرۋشى كومپانيانىڭ ەلەكتر ەنەرگياسىن جەتكىزۋ سحەماسىنان الىپ تاستاۋ ارقىلى اقتاۋ قالاسىنىڭ قالا ماڭى بويىنشا تاريف 5 مىڭ ادامدى قامتي وتىرىپ، 17% - عا تومەندەدى. ناتيجەسىندە بارلىق وبلىس بويىنشا ەلەكتر ەنەرگياسىنا ءتاريفتىڭ جالپى تومەندەۋى ورتا ەسەپپەن 17% قۇرادى.

«پروكۋراتۋرا ورگاندارى «مرەك» اق ءۇشىن 8،4 ملرد. تەڭگە سوماسىنا ەڭبەكاقى قورى مەن قارىز سىياقىسى شىعىندارى بولىگىندە ەلەكتر قۋاتى تاريفىنىڭ نەگىزسىز بەكىتىلۋى بويىنشا وبلىستىق مونوپولياعا قارسى دەپارتامەنتكە قاتىستى تالاپ ارىز بەردى (ەڭبەكاقى تولەمدەرى قورى 1،9 ملرد.تەڭگە، جانە قارىز سىياقىسى 6،5 ملرد.تەڭگە).

تالاپ قاناعاتتاندىرىلعان جاعدايدا، وبلىستىڭ بارلىق تۇرعىندارى ءۇشىن تاريف  20-30%  تومەندەيدى. 2018 جىلعا 1 كۆت/ساع ءۇشىن 2،32 تەڭگەدەن 1،74 تەڭگەگە دەيىن؛ 2019 جىلعا 2،49 تەڭگەدەن 2،06 تەڭگەگە دەيىن؛ 2020 جىلعا 2،66 تەڭگەدەن 2،18 تەڭگەگە دەيىن»، - دەدى وبلىس اكىمى ەرالى توعجانوۆ.

بۇدان باسقا، مەملەكەت باسشىسىنىڭ تاپسىرماسىنا سايكەس بارلىق شاعىن ەلەكترجەلىلىك كومپانيالاردى وڭتايلاندىرۋ بويىنشا جۇمىستار جۇرگىزىلۋدە. بۇل ەلەكتر ەنەرگياسىنىڭ ءتاريفىن ورتاشا ەسەپپەن 7% - عا 16،85 تەڭگەدەن 1 كۆت/ساع ءۇشىن 15،74 تەڭگەگە دەيىن تومەندەتۋگە مۇمكىندىك بەرەدى.

سونداي-اق، "مەبك" اق ەلەكترجەلىلىك كومپانياسىنىڭ الدىنا 9،2 ملرد.تەڭگە سوماسىنا ەلەكترمەن جابدىقتاۋدىڭ جاڭا جەلىلەرىن سالۋدى ەسەپكە الا وتىرىپ، ينۆەستيسيالىق باعدارلامانى قابىلداۋ مىندەتى قويىلدى.