جەزقازعان قالاسىندا بۇگىندە توزىعى جەتكەن ۇيلەردىڭ سانى 30-عا جۋىقتادى. ارنايى ساراپتامانىڭ ناتيجەسى بويىنشا اتالمىش قالاداعى 18 تۇرعىن ءۇي تۇرۋعا جارامسىز بولىپ سانالسا، 11 تۇرعىن ءۇيدى قايتا جوندەۋدەن وتكىزۋگە بولادى ەكەن. نەگىزى تۇرعىن ءۇيدىڭ جاعدايى تۇرعىندارعا تىكەلەي بايلانىستى بولىپ سانالادى. الايدا ۇيگە وزدەرى جاۋاپتى ەكەنىن بىلسە دە تۇرعىندار ءمان بەرمەي، ەلەمەي جاتادى. تەك ءۇيدىڭ ىرگەسى ابدەن ەسكىرىپ، قۇلاۋعا شاق قالعان ۋاقىتتا عانا باسپاناسىز قالاتىنىن سەزگەن سوڭ ماسەلەنىڭ شەشۋ جولدارىن ىزدەي باستايدى. وسىنداي جاعدايدا تۇرعىندار تۇرعىن ءۇي كوممۋنالدىق شارۋاشىلىعىن جاڭعىرتۋدىڭ 2011-2020 جىلدارعا ارنالعان باعدارلاماسىن قولدانا الادى.
اتالعان مەملەكەتتىك باعدارلاما اياسىندا 2013-2014 جىلدار ارالىعىندا جەزقازعاندا 13 كوپ قاباتتى تۇرعىن ءۇيدىڭ جاعدايى وڭالعان بولاتىن. ولاردىڭ كەم-كەتىكتەرىن تۇزەتۋگە 178،9 ملن تەڭگە كولەمىندە قارجى جۇمسالدى. بيىل وڭىرلەردى دامىتۋ باعدارلاماسىن ىسكە اسىرۋ شەڭبەرىندە جەزقازعان قالالىق تۇرعىن ءۇي ينسپەكسياسى «قاراعاندى وبلىسىنىڭ تۇرعىن ءۇي قورىن جاڭعىرتۋ ورتالىعى» ج ش س بىرلەسە جوندەۋدى قاجەت ەتەتىن ۇيلەردىڭ تۇرعىندارىمەن تۇسىندىرمە جۇمىستارى جۇرگىزىلۋدە. ناتيجەسىندە وماروۆ كوشەسىندەگى 16، 18، پۋگاچيەۆ كوشەسىندەگى 12 جانە اباي كوشەسىندەگى 81 «ا» ۇيلەردەگى پاتەر يەلەرى مەملەكەتتىك باعدارلاماعا قاتىسۋعا نيەت تانىتقان. جۋىردا عانا جوندەۋدەن وتكەن وماروۆ كوشەسىندە 18 ءۇيدىڭ قازىرگى جاعدايىن كورۋگە قالا اكىمى قايرات بەگىموۆ ارنايى باردى.
1954 جىلى بوي كوتەرگەن تۇرعىن ءۇي ءقازىر تانىماستاي وزگەرگەن. ءۇيدىڭ قاسبەتى زاماناۋي ارلەۋ ماتەريالى سايدينگپەن قاپتالعان. سونداي-اق، ونىڭ جىلۋدى ساقتاۋ قابىلەتى بارىن ەسكەرگەن ءجون. تۇرعىن ءۇيدىڭ ىرگەتاسى بەكىتىلىپ، شاتىرى اۋىستىرىلدى. كىرەبەرىستەرى جوندەلىپ، ەسىك، تەرەزەلەرى جاڭارتىلدى.ءۇيدىڭ كۇردەلى جوندەۋىنە 25 ملن تەڭگەدەن استام قارجى جۇمسالدى. ونى سەگىز پاتەردىڭ يەسى 15 جىل ىشىندە اي سايىن 17 مىڭ تەڭگەدەن وتەيتىن بولادى.
– ءۇيدىڭ بۇعان دەيىنگى جاعدايىن ەسكە الۋدىڭ ءوزى قورقىنىشتى. ءۇي كوز الدىمىزدا قاۋساپ جاتتى. «تۇرعىن ۇي-كوممۋنالدىق شارۋاشىلىعىن جاڭعىرتۋ –2020» باعدارلاماسىنا ىلىگىپ كەتكەنىمىزگە وتە قۋانىشتىمىز. كورىپ تۇرعاندارىڭىزداي ءۇيىمىز جاڭارىپ شىعا كەلدى. ەندى ونىڭ الپىس جىلدان استام تاريحى بار دەپ تە ايتپايسىز. جوندەۋ جۇمىستارىنىڭ باسى-قاسىندا ءجۇرىپ، جۇمىستىڭ ساپاسىن دا ءجىتى باقىلادىق. ايتىلعان سىن-ەسكەرتپەلەردى ەكى ەتپەي ورىنداعان جۇمىسشىلار كارىز جۇيەسىن دە ەشبىر اقىسىز ءوز ەسەبىنەن رەتكە كەلتىرىپ بەردى،- دەپ قۋانىشىمەن بولىسكەن انجەلا ميرجايەۆا قالا باسشىسىنا ءۇيدىڭ اۋلاسىن اباتتاندىرۋ ماسەلەسىن قاراستىرۋدى سۇرادى.
– تۇرعىن ءۇي قورىن جاڭعىرتۋدا سىزدەردىڭ مول ۇلەستەرىڭىز بار. سوندىقتان، اباتتاندىرۋ ماسەلەسىنە الاڭداماڭىزدار. ءبىز ءوز تاراپىمىزدان ءۇيدىڭ اۋلاسىنا اسفالت توسەپ، سىزدەرگە سىيلىق رەتىندە بالالار ويىن الاڭقايىن ورناتامىز. بۇل – كەلەسى جىلدىڭ ەنشىسىندە،- دەگەن قايرات باياندى ۇلى پۋگاچيەۆ كوشەسىندەگى 11 ۇيگە بەت الدى.
بۇل مەكەنجايدا دا مەردىگەر كومپانيا «AzStroyGroup» ج ش س جوندەۋ جۇمىستارىن جۇرگىزۋدە. قىركۇيەكتىڭ سوڭىندا ىسكە كىرىسكەن ولار جوسپارلانعان جوندەۋدى اياقتاۋعا شاق قالعان. ىرگەتاسىن بەكىتىپ، شاتىرىن اۋىستىرىپ، كىرەبەرىسىن جوندەپ، ءۇيدىڭ قاسبەتىن سىلاپ-سىرلاۋ سىندى جۇمىس تۇرلەرىن تۇرعىنداردىڭ وزدەرى تاڭداعان. مەملەكەتتىك باعدارلاماعا قاتىسۋشى تۇرعىندار ءۇيى قاجەت ەتەتىن جوندەۋ جۇمىستارىن ءوز ەرىكتەرىمەن تاڭداپ، وعان جۇمسالاتىن قارجىنى الدىن الا ەسەپتەي الادى. جوبالىق سمەتالىق قۇجاتتاردى ازىرلەۋ مەن جاڭعىرتۋعا جۇمسالعان 10 ملن تەڭگە كولەمىندەگى قارجىنى پۋگاچيەۆ كوشەسى 12 ۇيدە ورنالاسقان 8 پاتەردىڭ يەسى 15 جىلدىڭ ىشىندە قايتاراتىن بولادى. باعدارلامانىڭ ءتيىمدى تۇستارىنىڭ ءبىرى – جوندەۋگە جۇمسالعان قارجىعا ۇستەمەاقى قوسىلمايدى. ياعني، تۇرعىندار پروسەنتسىز نەسيە العانمەن تەڭ. سونىمەن قاتار، اي سايىنعى تولەمنىڭ كولەمىن مەملەكەت تاراپىنان تولەنەتىن تۇرعىن ءۇي كومەگى ارقىلى تومەندەتۋگە مۇمكىندىك بار. ول ءۇشىن ءۇيدى جاڭعىرتۋعا قاتىسقان تۇرعىندار قالالىق جۇمىسپەن قامتۋ جانە الەۋمەتتىك باعدارلامالار بولىمىنە حابارلاسىپ، قاجەتتى قۇجاتتارىن ۇسىنۋى ءتيىس.
قالا اكىمى قايرات بەگىموۆپەن كەزدەسە بەرمەيتىن تۇرعىندار كوكەيدە جۇرگەن سۇراقتارى مەن وتىنىشتەرىن ايتۋدان دا تارتىنىپ قالمادى. پۋگاچيەۆ كوشەسىنىڭ تۇرعىندارىن مازالاعان قۋراعان تالداردى كەسۋ، اۋداىشىلىك جولدارعا تاس توسەۋ، ءۇي ماڭىندا ورنالاسقان يەسى جوق كولىكجايلاردى سىرىپ تاستاۋ سىندى ماسەلەلەردى ەستىگەن قالا باسشىسى جاۋاپتى ماماندارعا تاپسىرما بەردى. سونىمەن قاتار، تۇرعىن ءۇي قورىن جاڭداندىرۋ باعدارلاماسى اياسىندا قىزمەت كورسەتىپ جاتقان «AzStroyGroup» ج ش س ديرەكتورى ازامات ايتبەككە جوندەۋ جۇمىستارىنىڭ ساپالى ورىندالۋىن قاداپ تاپسىردى.
2019 جىلى تاعى ءتورت ۇيگە تۇرعىن ۇيلەردى جاڭعىرتۋ باعدارلاماسىنىڭ شاراپاتى تيمەك. اپاتتى دەپ تانىلعان سەيفۋللين كوشەسىندەگى 4 جانە وماروۆ كوشەسىندەگى 16 ءۇي، سونداي-اق، امانجولوۆ، اباي كوشەلەرىندەگى ەكى ەسكى ءۇي جوندەۋدەن وتەدى.
