الماتىدا BNK Finance كومپانياسىنىڭ اشىلۋى بولىپ ءوتتى. سالتاناتتى كەشكە BNK Capital وڭتۇستىك كورەيا كومپانياسىنىڭ قۇرىلتايشىلارى ارنايى كەلىپ قاتىستى. ولار: وڭتۇستىك كورەيانىڭ باس كونسۋلى چون سىنمين، كورەيا قاۋىمداستىعىنىڭ پرەزيدەنتى –چو سونگۆان، BNK Capital باس جەتەكشىسى - لي دۋحو، BNK Capital باس اۋديتورى - چو حەنچجۋن، BNK FInance Kazakhstan باس ديرەكتورى –پاك بەنگ سۋ.
BNK Finance كومپانياسى - ميكروقارجىلاندىرۋ ۇيىمى بولىپ تابىلادى. ول تۇتىنۋشىلارعا تولىعىمەن ينۆەستيسيالاعان، اۆتو قارجىلاندىرۋ (ءبولىپ تولەۋ، ليزينگ، كرەديت بەرۋ)، تۇتىنۋشىلىق كرەديت بەرۋ، قامتاماسىز ەتىلگەن كرەديتتەر، جابدىقتار ليزينگى، كورپوراتيۆتىك قارجىلاندىرۋ جانە ت. ب. سياقتى ءارتۇرلى قارجىلىق قىزمەتتەردى ۇسىنادى.ە
ءىس-شارادا ەڭ الدىمەن لەنتا قيىلىپ، ارنايى تورت كەسىلدى. ارتىنشا كومپانيا باسشىلارى تىلەكتەرىن ايتىپ، جىلى لەبىزدەرىن ءبىلدىردى.
BNK Capital باسشىسى لي دۋحو «قازىرگى ۋاقىتتا لاوس، ميانما جانە كامبودجاداعى كومپانيانىڭ 3 رەسمي وكىلدىگى جۇمىس ىستەپ جاتىر. وڭتۇستىك-شىعىس ازيا نارىعىنا شىعۋ ءساتتى اياقتالدى. وسىعان بايلانىستى ورتالىق ازيادا دا، اتاپ ايتقاندا ونىڭ جۇرەگى – قازاقستاندا دا كەڭەيتۋگە شەشىم قابىلداندى. وڭتۇستىك كورەيا مەن قازاقستان ءارقاشان دوستىق قارىم-قاتىناستا. وسى ورايدا BNK Finance كومپانياسى ودان ءارى بىرلىگىمىزدى نىعايتۋ ءۇشىن بارلىق كۇش-جىگەرىمىزدى سالامىز»- دەدى.
كومپانيا جاڭادان اشىلعانىنا قاراماستان، ونىڭ كليەنتتىك بازاسى بەلسەندى تۇردە قىزمەتىن باستاپ كەتتى. العاشقى ەكى كليەنتكە LG ماركالى كىر جۋعىش ماشينالار سىيلىققا تابىس ەتىلدى.
