الماتىدا «سيفرلىق كۇز» ەرەكشە شاراسى باستالدى. كونسەرت كەزىندە مۋزىكانتتار سمارتفوننان كۇي توكتى.

قازاق ۇلتتىق كونسەرۆاتورياسىنىڭ ستۋدەنتتەرى ساحناعا شىعىپ، كونسەرت قويدى. ءبىراق، ولار اۋەندى مۋزىكالىق اسپاپتا ەمەس، سمارتفوندا وينادى.

باسىندا اۋەندى سمارتفوندار حورى مەن سوليستەر ورىنداسا، ودان كەيىن اۋەنگە زال دا قوسىلدى.

كەيىن بەلگىلى بولعانداي، سيفرلىق مۋزىكا Faust باعدارلامالاۋ تىلىندەگى قوسىمشا ارقىلى جاسالعان.

تەلەفوننىڭ كەڭىستىكتەگى ورنالاسۋىنا بايلانىستى قوسىمشانىڭ دىبىسى وزگەرىپ وتىرادى.

Grame: Smart Faust - كومپوزيتورلار، مۋزىكا اۆتورلارى، ورىنداۋشىلار، ارتىستەردىڭ باسىن قوسىپ، يننوۆاسيالىق مۋزىكا جازۋعا ارنالعان الاڭ. ءار ماۋسىم سايىن مۇندا 20 الەمدىك كومپوزيتور جينالىپ، شىعارماشىلىق رەزيدەنسيا ۇيىمداستىرادى.

بيىلعى «سيفرلىق كۇز» شاراسى بارىسىندا 10 سەكسيا اشىلادى.

بۇل باعدارلامالارعا قاتىساتىن فرانسۋز كومپوزيتورلارى قازاقستاندىق ستۋدەنتتەرگە سيفرلىق مۋزىكا تاقىرىبىندا ماستەر كلاسس وتكىزەدى.

اتالعان شارانى فرانسيانىڭ قازاقستانداعى ەلشىلىگى، ق ر اقپارات جانە كوممۋنيكاسيالار مينيسترلىگى جانە الماتى اكىمدىگى ۇيىمداستىرىپ وتىر.