اقىلدىلار ويىنى. الماتىدا «نۇرسۇلتان نازاربايەۆتىڭ ءبىلىم بەرۋ قورى» قوعامدىق قورىنىڭ 20 جىلدىعىنا وراي شاحماتتان تۋرنير ءوتتى.

جارىستا قور فيليالدارىنىڭ ستۋدەنتتەرى مەن مەكتەپ وقۋشىلارى ب ا ق سىنادى. سايىستى رەسەيدەن ارنايى كەلگەن قازاقستاندىق شاحماتشى، حالىقارالىق اقپاراتتىق تەحنولوگيالار ۋنيۆەرسيتەتىنىڭ ستۋدەنتى جانسايا ابدىمالىك اشتى.  

«بۇگىنگى جارىسقا قوناق رەتىندە كەلدىم. شاحمات بالانىڭ ينتەللەكتىسىن، ءوي-ورىسىن دامىتادى. سوندىقتان تۋرنيرگە قاتىسۋعا 80-نەن استام بالالار مەن ستۋدەنتتەردىڭ نيەت بىلدىرگەنى قاتتى قۋانتتى. قازاقستانعا ءبىلىمدى، اقىلدى جاستار كەرەك. وسىنداي شاحمات تۋرنيرلەرى الداعى ۋاقىتتا داستۇرگە اينالادى دەگەن ۇمىتتەمىن»، – دەدى شاحماتتان الەم چەمپيونى جانسايا ابدىمالىك.

«مەن ءوزىم «ارىستان» ليسەيىندە وقىعاندىقتان، اسكەري بولعاندىقتان مەنىڭ بولاشاقتا اسكەردەگى جوسپارلارىما، ستراتەگيالىق تۇرعىدا كومەك بەرەدى. مەن شاحماتپەن 6-سىنىپتان بەرى اينالىسىپ كەلەمىن. بۇگىنگى جارىستا قوردىڭ 20 جىلدىعىمەن قۇتتىقتاي وتىرىپ، ءوز كومانداما جەڭىس، قارسىلاستارعا ساتتىلىك تىلەيمىن»، – دەدى تۋرنيرگە قاتىسۋشى تۇرار قۇدايبەرگەن.

سايىسقا بارلىعى 82 ادام قاتىسسا، ەڭ كىشكەنتاي ويىنشىنىڭ جاسى 6-دا. جارىس قورىتىندىسى بويىنشا، وزگەلەردەن وزا شاپقان يننوۆاسيالىق تەحنيكالىق كوللەدجىنىڭ ستۋدەنتى الەن راحىمجان 1ء-شى ورىندى جەڭىپ الدى.