الماتىدا ءماسليحات دەپۋتاتتىعىنا ۇمىتكەر اسحات شىلىكبايەۆ تۇركسىب اۋدانىنىڭ تۇرعىندارىمەن كەزدەستى. كانديدات اۋدانداعى ءبىلىم سالاسىن دامىتۋعا، مەكتەپ، بالاباقشالار سانىن كوبەيتىپ، بالالارعا ارنالعان سپورت جانە ونەر ورتالىقتارىنىڭ سالىنۋىنا اتسالىسپاق. الەۋمەتتىك از قامتىلعان، كوپ بالالى وتباسىلار مەن جالعىزباستى انالار دا نازاردان تىس قالمايدى دەدى.
«تۇرعىنداردى كوپ مازالايتىن سۇراقتىڭ ءبىرى – كوشەلەردى جارىقتاندىرۋ، مەكتەپ ماڭىنا ايالداما سالۋ جانە الەۋمەتتىك كومەك. بۇگىن كوتەرىلگەن سۇراقتاردىڭ ءبارى دە شەشىلەتىن ماسەلەلەر. بارلىعىن وزىمە ءتۇرتىپ جازىپ الدىم»، – دەدى الماتى قالاسى ءماسليحات دەپۋتاتتىعىنا كانديدات اسحات شىلىكبايەۆ.
تۇركسىب اۋدانى تۇرعىندارىنىڭ مۇڭ-مۇقتاجىن ءماسليحات دەپۋتاتتىعىنا كانديدات گۇلناس احمەتوۆا دا تىڭدادى. اتا-انالار مەكتەپتەر ماڭايىنداعى جولداردى جوندەپ، جارىق شامدار ورناتىپ، كورىكتەندىرۋ جۇمىستارىن جۇرگىزۋدى سۇرادى.
«ايتىلعان ماسەلەلەردىڭ كوبى الەۋمەتتىك سۇراقتار. ياعني، تۇرعىندار سپورت الاڭدارىنىڭ جەتىسپەۋشىلىگىن، اۋلالاردى اباتتاندىرۋدى سۇراۋدا. حالىقتىڭ جەكە ماسەلەلەرىن ەمەس، كوپشىلىككە قاجەتتى نارسەلەردى سۇراعانى قۋانتادى. بارلىعىن دا بولاشاقتا ەسكەرۋگە تىرىسامىز»، – دەدى الماتى قالاسى ءماسليحات دەپۋتاتتىعىنا كانديدات گۋلناس احمەتوۆا.
ءماسليحات دەپۋتاتتىعىنا ۇمىتكەر ميحايل گراچيەۆتان تۇركسىب اۋدانىنىڭ تۇرعىندارى بالالار الاڭىن كوبەيتىپ، كەشكى ۋاقىتتا قاتىنايتىن اۆتوبۋستاردى قاداعالاۋدى سۇرادى. كانديدات ءوز كەزەگىندە حالىقتى سايلاۋالدى باعدارلاماسىمەن تانىستىردى. ۇمىتكەر اۋدانداعى ايالدامالاردى جاڭارتىپ، شاعىن جانە ورتا بيزنەسكە قولايلى جاعداي جاساۋعا ات سالىسامىن دەپ سەندىردى.
«تۇرعىندار كوبىنەسە بالالارعا ويىن الاڭدارىن سالۋدى، كوشەلەردى جارىقتاندىرۋدى سۇرايدى. بارلىق ۇسىنىستاردى ەسكەرەتىن بولامىز. جانە اۋداننىڭ ينفراقۇرىلىمىن جاقسارتىپ، مەكتەپكە باراتىن جولداردى جارىقپەن قامتاماسىز ەتۋ جوسپارىمدا بار»، – دەدى الماتى قالاسى ءماسليحات دەپۋتاتتىعىنا كانديدات ميحايل گراچيەۆ.
