ەندى قازاقستاننىڭ كەز-كەلگەن تۇرعىنى الماعا قاتىستى ەستەلىكتەرىن مۇراجايعا ۇسىنا الادى.

كەشە سالتاناتتى اشىلۋ ءراسىمى وتكەن «الما ميۋزەۋم» مۇراجايى قازاقستاندىقتاردىڭ ەستەلىكتەرىن ءبىر ارناعا توعىستىرماق. مۋزەي «الماتى» ءقوناقۇيىنىڭ ءبىرىنشى قاباتىندا ورنالاسقان. تۇرعىندار مەن قالا قوناقتارى الماعا قاتىستى فوتو، اۋديو، ۆيدەو نۇسقالاردى وسىندا تاپسىرا الادى. ول كەلەر جىلدىڭ قاڭتار ايىنا دەيىن قابىلدانباق. 

«بۇگىن سونداي قۋانىپ تۇرمىن. كوپتەن كۇتكەن «Alma Museum» مۋزەيىن اشىپ وتىرمىز. بارلىق الەم المانىڭ وتانى ءبىزدىڭ قالا ەكەنىن بىلسە دەيمىز. الماتىنىڭ المانىڭ وتانى ەكەنى دالەلدەنگەن. سوندىقتان تاريح شەجىرەسىنە تۇنىپ تۇرعان قالانىڭ ورتاسىنداعى قوناقۇيدە ءوزىمىزدىڭ مۋزەيدى اشىپ وتىرمىز. المانىڭ تاريحى جايلى جازىلعان اڭىزدار، اڭگىمەلەر وتە كوپ، سولاردى وسى مۋزەيدە جيناقتايتىن بولامىز»، – دەدى ۇيىمداستىرۋشى اجار جاندوسوۆا.