قازاننىڭ 21ء-ى كۇنى «سپورتتىق الماتى» باعدارلاماسى اياسىندا ۆەلوشەرۋدىڭ جابىلۋ ماۋسىمى وتەدى. بۇل شارا قازاقستاندىق سپورت ءجۋرناليستى گالينا پوليەۆاياعا ارنالادى.

تانىمال قازاقستاندىق سپورت ءجۋرناليستى گالينا پوليەۆايا 20 جىل بويى «حابار» تەلەارناسىندا ءتىلشى بولىپ قىزمەت اتقارعان. قازىرگى تاڭدا گالينانىڭ دەنساۋلىعى ناشارلاپ، ونكولوگيالىق اۋرۋمەن كۇرەسىپ جاتىر. ونىڭ ەمدەلۋىنە كەز كەلگەن ۆەلوشەرۋ قاتىسۋشىسى قارجىلاي كومەكتەسۋگە مۇمكىندىگى بار.

ال قالا تۇرعىندارى مەن قوناقتارى تاڭەرتەڭ ساعات 09:00-دە «نۇرلى تاۋ» بيزنەس ورتالىعى ماڭىندا جينالادى. ولار 09:30-دا ۆەلوشەرۋدى باستاپ ءال-فاباري داڭعىلى بويىمەن ءجۇرىپ 7،5 كم قاشىقتىقتى باعىندىرادى. قاتىسۋشىلار تۇڭعىش پرەزيدەنتى ساياباعىندا ۆەلوشەرۋدى اياقتايدى.

سونداي-اق، مارەدە بارلىق قاتىسۋشىلاردىڭ اراسىندا باعالى سىيلىقتار مەن 10 ۆەلوسيپەدتەر ويناتىلادى.

ۇيىمداستىرۋشىلار ءوز تاراپىنان، قاتىسۋشىلارعا ارنايى باس كيىمسىز (شلەمسىز) قاتىسۋعا تىيىم سالىناتىنىن ەسكەرتەدى.

ايتا كەتەر جايت، بۇل ۆەلوشەرۋ «سپورتتىق الماتى» بۇقارالىق سپورتتى دامىتۋ ماقساتىندا جۇزەگە اسىرىلعان جوبا اياسىندا وتكىزىلەدى.