الماتى اۋەجايىندا تەرورريزمگە قارسى وقۋ-جاتتىعۋ ءوتتى. «دابىل-انتيتەررور-2018» دەپ اتالاتىن شارادا ۇلتتىق قاۋىپسىزدىك كوميتەتىنىڭ، ىشكى ىستەر مينيسترلىگىنىڭ جانە ۇلتتىق گۆارديانىڭ ارنايى جاساقتارى وقىس وقيعاعا دەگەن دايىندىقتارىن پىسىقتادى.

وقۋ-جاتتىعۋ سەنارييى بويىنشا لاڭكەستەر دۋشانبەدەن كەلگەن ۇشاقتى جاۋلاپ الادى، اۋەجاي اۋماعىندا تەرورريزمنىڭ قىزىل دەڭگەيى جاريالانعان. اۋە كەمەسىندە 100-گە تارتا جولاۋشى بار. ارنايى جاساق قىزمەتكەرلەرى اۋە كەمەسىندەگى كەپىلدىكتە وتىرعان ادامداردى قۇتقارىپ، سودىرلاردى ۇستادى. وپەراسيا كەزىندە زارداپ شەككەندەر جوق. 

سودان كەيىن جاۋىنگەرلەر قوعامدىق كولىكتى كەپىلدىككە العان سودىرلاردى قولعا ءتۇسىردى. ارتىنشا ارنايى جاساق اۋەجاي اۋماعىندا ورنالاسقان اكىمشىلىك عيماراتىنا بەت الدى. ونداعى بىرنەشە قىلمىسكەردى ماتاپ، تاپسىرمانى مۇلتىكسىز ورىنداپ شىقتى. رەسپۋبليكالىق «دابىل-انتيتەررور-2018» جەدەل-تاكتيكالىق وقۋ-جاتتىعۋى الماتى حالىقارالىق اۋەجايىندا ەكى كۇن قاتارىنان ءوتتى.