جاستار جولداۋدى تالقىلاپ قانا قويماي، ىسكە اسىرۋعا تىكەلەي قاتىسۋى ءتيىس. الماتىداعى «ALMA-U» ۋنيۆەرسيتەتىنىڭ ستۋدەنتتەرىمەن كەزدەسكەن قوعامدىق دامۋ ۆيسە-مينيسترى وسىلاي دەدى.
جۇلدىز وماربەكوۆا جاستارمەن وتباسى، رۋحاني جاڭعىرۋ، ءومىر ساپاسىن قالىپتاستىرۋ تۋراسىندا تىلدەستى. ستۋدەنتتەر دە ۆيسە-مينيسترگە ءوز ساۋالدارىن قويىپ، ەلىمىزدە ءومىر ساپاسىن جاقسارتۋ ءۇشىن جاستار نە ىستەي الادى دەپ سۇرادى.
«ادامدار ەڭ الدىمەن «الەۋمەتتىك جاۋاپكەرشىلىك» دەگەن ءسوزدى تەرەڭ ءتۇسىنۋى كەرەك، ياعني ءار ادام ءوز ۇيىنە، اۋلاسىنا، جۇمىسىنا جاۋاپتى بولسا، ونى جاقسى كورسە، ەلىمىزدە كوپتەگەن ماسەلەلەر وڭاي شەشىلەر ەدى. جولداۋدا ايتىلعان ءومىر سۇرۋگە قولايلى ورتانى قالىپتاستىرۋ ءۇشىن دە ءار ازاماتتىڭ ۇلەس قوسۋى اسا ماڭىزدى»، – دەدى ق ر قوعامدىق دامۋ ۆيسە-مينيسترى جۇلدىز وماربەكوۆا.
