527 ميلليارد تەڭگە. بۇل الماتى قالاسىنىڭ 2018 جىلى قايتا قارالعان قارجىسى. 1 قازانداعى جاعداي بويىنشا كىرىس كولەمى 422 ميللياردتان اسىپ جىعىلسا، 367 ميلليارد تەڭگە جۇمسالعان.
قالالىق قارجى باسقارماسىنىڭ بەرگەن مالىمەتىنە سايكەس، مەملەكەتتىك ساتىپ الۋدا تۇرالاپ قالعان ماسەلەلەر جوق. تەك بىرنەشە كوشەنىڭ قۇرىلىسى ءۇشىن جەر ۋچاسكەلەرىن ساتىپ الۋ بويىنشا سوت پروسەستەرى ءجۇرىپ جاتقان كورىنەدى. ايتا كەتەيىك، قالالىق ءماسليحاتتىڭ 25ء-شى سەسسياسىندا قابىلدانعان الماتى بيۋدجەتى 2017 جىلدىڭ جەلتوقسانىندا 431 ميلليارد 200 ميلليون تەڭگەنى قۇراعان بولاتىن.
«1 ميلليارد 400 ميلليون تەڭگەنى جۇمساۋ بويىنشا ازداعان كىدىرىستەر بار. بۇل قارجى جول ايرىقتارى مەن كوشەلەردى ۇزارتۋ جۇمىستارى ءۇشىن قاجەتتى جەر ۋچاسكەلەرىن مەملەكەت پايداسىنا قايتارۋ ءۇشىن بەلگىلەنگەن. سوت پروسەستەرى ءجۇرىپ جاتىر. اتالعان سومانى تولىقتاي يگەرۋىمىز كەرەك»، – دەدى الماتى قالاسى قارجى باسقارماسىنىڭ باسشىسى اينۇر قۇدايبەرگەنوۆا.
