الماتىدا ۇستازدار مەرەكەسى اتالىپ ءوتىپ جاتىر. مەرەكەلىك شارا ومىربەك جولداسبەكوۆ اتىنداعى ستۋدەنتتەر سارايىندا ۇيىمداستىرىلعان. مۇعالىمدەرگە ارنالعان كونسەرتتە «الماتى» تەلەارناسىنىڭ ءتىلشىسى ءومىر انۋاربەك تە قاتىسىپ قايتقان ەدى.
شارانىڭ اشىلۋ سالتاناتىندا ءسوز سويلەگەن الماتى قالاسى اكىمىنىڭ ورىنباسارى ارمان قىرىقبايەۆ ۇستازدارعا قاجىماس قايرات تىلەپ، ەرەن ەڭبەكتەرىنىڭ ەلەنەتىنىن ايتتى. سونىمەن قاتار، مۇعالىمدەردى ءتول مەرەكەلەرىمەن قۇتتىقتادى. بۇگىنگى شاراعا قالاداعى بارلىق ءمۇعالىم، ءبىلىم بەرۋ ءىسىنىڭ ۇزدىكتەرى جانە ارداگەر ۇستازدار كەلگەن. ولار دا ارىپتەستەرىن مەيراممەن قۇتتىقتاپ، سالەمدەرىن جولدادى.
شارادا ءبىلىم بەرۋ سالاسىنداعى ۇزدىكتەر ماراپاتتالادى. سونىمەن قاتار، «ءبىلىم بەرۋ ءىسىنىڭ قۇرمەتتى قىزمەتكەرى» جانە «ىبىراي التىنسارين» توسبەلگىلەرى تابىستالدى. مەرەكەلىك كونسەرت ەسترادا جۇلدىزدارىنىڭ ونەر كورسەتۋىمەن جالعاسىن تاپتى.
ايتا كەتەيىك، ەلىمىزدە «ۇستازدار كۇنى» مەرەكەسى قازان ايىنىڭ العاشقى اپتاسىندا تويلانادى.
