ق ر گپ قۇقىقتىق ستاتيستيكا جانە ارنايى ەسەپكە الۋ باسقارماسىنىڭ مالىمەتتەرى بويىنشا، اعىمداعى جىلدىڭ 10 ايىندا تىركەلگەن 51 مىڭنان استام قىلمىستىق ىستەردىڭ 95%-ىن ىشكى ىستەر ورگاندارى تەكسەرەدى دەپ حابارلايدى Qamshy.kz اقپارات اگەنتتىگى الماتى قالاسى پد باسپا ءسوز قىزمەتىنە سۇيەنە وتىرىپ.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ ءىس جۇرگىزۋ نەگىزدەرىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سايكەس، 2018 جىلدىڭ 1 قاڭتارىنان باستاپ ەلەكتروندىق نىساندا قىلمىستىق ءىس جۇرگىزۋدى جۇرگىزۋ مۇمكىندىگى ەنگىزىلدى.

بۇگىنگى كۇنى الماتى پوليسياسىنىڭ تەرگەۋ بولىمشەلەرى 1500-دەن استام شاعىن جانە ورتاشا قىلمىستىق ىستەر بويىنشا ەلەكتروندى نۇسقادا تەرگەۋ جۇرگىزدى. بۇل قىلمىستىق پروسەستىڭ ءارتۇرلى، ساپالى الگوريتمىنە قول جەتكىزۋگە مۇمكىندىك بەرەدى.

ءىس جۇرگىزۋ پوليسياسىنىڭ قىزمەتكەرلەرىنە E-قىلمىستىق ءىس فورماسىندا 100 پايىز قاجەتتى تەحنيكامەن جابدىقتاۋ ءۇشىن جەرگىلىكتى بيۋدجەتتەن 190 ميلليون تەڭگە بولىنگەن. كەلەسى جىلدىڭ باسىنان باستاپ الماتى پوليسياسى شاعىن جانە ورتاشا اۋىرلىقتاعى قىلمىستىق ىستەردى تەك ەلەكتروندىق فورماتتا تەرگەپ وتىرادى.

تاجىريبەدەن: «ەلەكتروندىق قىلمىستىق ءىس» جوباسى ارقىلى الدىن-الا تەرگەۋ جۇرگىزەتىن ادام سۇراۋلاردى شەشۋ، ولارعا جاۋاپ الۋ ءۇشىن ۋاقىتتى ايتارلىقتاي ۇنەمدەيدى. تەرگەۋدىڭ ساندىق فورماتى تەرگەۋشىلەردىڭ پوليسيا، پروكۋراتۋرا جانە سوت اراسىنداعى جۇگىرىستەرىن بولدىرمايدى. سوتتار سانكسيانى ەلەكتروندى تۇردە، ونىڭ ىشىندە كۇدىكتىلەردى سوتقا شاقىرماي-اق،  سوت وتىرىستارىن بەينە بايلانىس ارقىلى وتكىزەدى. جالپى، ەلەكتروندى فورمات شەشىم قابىلداۋدى جىلدامداتتى، پروسەسكە قاتىسۋشىلاردىڭ قۇقىقتارىن قورعاۋدى جاقسارتتى جانە سىبايلاس جەمقورلىق تاۋەكەلدەرىن بارىنشا ازايتتى.