قىزىلقوعا اۋدانىنا ات باسىن تىرەگەن بەلگىلى قوعام قايراتكەرى ورازگۇل اسانعازى باستاعان توپ «لاتىن الىپبيىنە كوشۋ – زامان تالابى» تاقىرىبىندا سەمينار وتكىزدى.

وبلىستىق تىلدەردى دامىتۋ جونىندەگى باسقارماسىنىڭ ۇيىتقى بولۋىمەن «ارمان» مادەنيەت ۇيىندە وتكەن سەميناردا  فيلولوگيا عىلىمدارىنىڭ دوكتورى، پروفەسسور ءالىمحان جۇنىسبەك جينالعان كوپشىلىكتى ەلباسىنىڭ جارلىعىمەن بەكىتىلگەن لاتىن ءالىپبيىنىڭ جاڭا ۇلگىسىمەن تانىستىرىپ، سوزدەردىڭ جازىلۋى مەن ەملە ەرەجەلەرىن ءتۇسىندىردى. سونداي-اق، سەمينارعا قاتىسۋشىلارعا اق پاراق ۇسىنىلىپ، جاڭا قابىلدانعان ءالىپبي بويىنشا اتى-جوندەرىن جازۋ تاپسىرىلدى. ورىندالعان تاپسىرمالارمەن مۇقيات تانىسقان پروفەسسور اتى-جوندەردىڭ دۇرىس جازىلعانىن ايتىپ، بۇل لاتىن ءالىپبيى بويىنشا ءجۇرىپ جاتقان ناسيحات جۇمىستارىنىڭ ناتيجەسى ەكەنىن اتاپ ءوتتى.

بۇدان كەيىن  ورازگۇل اسانعازى ءسوز الدى.

– جاڭا ءالىپبيدى جاتىرقاۋدىڭ قاجەتى جوق. ەگەر ەلىمىز وركەندەپ، دامىعان ەلدەردىڭ قاتارىنا كىرسىن دەسەك  لاتىن الىپبيىنە كوشۋىمىز كەرەك. ارينە، بۇل باستامانى ەلباسىنىڭ ءوزى باستاپ، جارلىققا قول قويىپ بەردى. ەندى وسىنى كەڭىنەن ناسيحاتتاۋىمىز  قاجەت.  ءقازىر الەمدەگى عىلىم مەن ينتەرنەتتىڭ سەكسەن پايىزى وسى لاتىن ءالىپبيىن قولدانادى. دەمەك، لاتىن الىپبيىنە كوشۋ – الەمدىك عىلىمعا جول اشادى. ەندى ءبىز جاڭا الىپبيگە قاشان، قايتىپ كوشەمىز؟ ازىرگە بەكىتىلگەن جوسپار بويىنشا 2019 جىلى 1 سىنىپ وقۋشىلارى باستاپ وقيدى. سوسىن 2023 جىلى كەڭسەدەگى ءىس-قاعازداردى كوشىرۋ جوسپارلانۋدا. ال، 2025 جىلى تۇگەلدەي كوشەمىز. ءبىراق، بۇل جوسپار عانا. زاماننىڭ باعىتىنا قاراي تاعى دا وزگەرىستەر ەنۋى مۇمكىن،- دەدى دەپۋتات.

سەمينار بارىسىندا جينالعاندار كەلگەن قوناقتارعا كوكەيدە جۇرگەن سۇراقتارىن قويىپ، تۇشىمدى جاۋاپ الدى.