تۇركىستان قالاسىندا «نۇر وتان» پارتياسى وبلىستىق فيليالىنىڭ كەزەكتى حححV كونفەرەنسياسى ءوتتى. باسقوسۋعا «نۇر وتان» پارتياسىنىڭ حاتشىسى ق.جۇماشيەۆ، وبلىس اكىمى ج.تۇيمەبايەۆ، «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى ن.جولداسوۆ، وبلىستىق ءماسليحات حاتشىسى ق.بالابييەۆ، پارتيا فيليالىنىڭ ساياسي كەڭەس مۇشەلەرى، ءماسليحات دەپۋتاتتارى، مەملەكەتتىك ورگانداردىڭ باسشىلارى جانە ب ا ق وكىلدەرى قاتىستى.
جيىندا ەلباسى ن.ءا.نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن ناسيحاتتاۋ شارالارى، «نۇر وتان» پارتياسى وبلىستىق فيليالى ساياسي كەڭەسى مەن باقىلاۋ-تەكسەرۋ كوميسسياسىنىڭ 2017-2018 جىلدارى اتقارعان جۇمىستارى سارالاندى.
ايماق باسشىسى جانسەيىت تۇيمەبايەۆ ءوز بايانداماسىندا مەملەكەت باسشىسىنىڭ جولداۋدا جۇكتەگەن تاپسىرمالارىن ورىنداۋعا بايلانىستى وڭىردە اتقارىلىپ جاتقان ءبىرقاتار شارۋالارعا توقتالدى.
ءوز كەزەگىندە تۇركىستان وبلىستىق ارداگەرلەر كەڭەسىنىڭ ءتوراعاسى جەڭىسبەك ماۋلەنقۇلوۆ جولداۋدىڭ نەگىزگى باسىمدىقتارى تۋرالى پىكىرىن ايتتى.
«مەملەكەت باسشىسىنىڭ 2019 جىلدى «جاستار جىلى» دەپ جاريالاۋى مەن پەداگوگتار مارتەبەسى تۋرالى قابىلداناتىن جاڭا زاڭ حالىق اراسىندا ۇلكەن قولداۋعا يە بولىپ وتىر. ويتكەنى، ەلباسىنىڭ بيىلعى جولداۋى بۇكىل قازاقستاندىقتاردىڭ ساپالى ءومىر سۇرۋىنە نەگىز بولا الادى. ارداگەرلەر ۇيىمى پرەزيدەنت قويعان مىندەتتەردى حالىققا ءتۇسىندىرىپ، ونىڭ ناقتى جۇزەگە اسۋىنا بارىنشا اتسالىساتىنىن ايتقىم كەلەدى»، – دەدى ج.ماۋلەنقۇلوۆ.
سونداي-اق، جيىن بارىسىندا ساياسي كەڭەس قۇرامىنا وزگەرىستەر ەنگىزىلىپ، پارتيالىق باقىلاۋ-تەكسەرۋ كوميسسياسىنىڭ قۇرامى قايتا سايلاندى.
