بۇگىن قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن «جالپىحالىقتىق ديكتانت» وتكىزىلدى، دەپ حابارلايدى Qamshy.kz اقپارات اگەنتتىگى. 

30 مينۋتقا سوزىلعان ديكتانتقا الماتى قالاسى بويىنشا 120-عا جۋىق ازامات قاتىستى. 15 جاستان اسقان كەز كەلگەن الماتىلىق ءوز ەركىمەن ديكتانتقا كەلدى.

شارانىڭ ماقساتى – جاڭا قازاق ءالىپبيىن ناسيحاتتاۋ، لاتىننەگىزدى قازاق ءالىپبيىن پراكتيكالىق تۇرعىدا مەڭگەرۋگە داعدىلاندىرۋ. سونىمەن قاتار رەسپۋبليكا حالقىنىڭ جاڭا لاتىن الىپبيىنە دەگەن كوزقاراسى مەن تانىمىن تەرەڭدەتۋ. سول ارقىلى الداعى ۋاقىتقا جوسپارلانعان لاتىن الىپبيىنە بىرتىندەپ كوشۋ جوسپارىنا نەگىز قالاۋ ءۇشىن حالىقتى جۇمىلدىرۋ.

ديكتانت الماتىنىڭ جوعارعى وقۋ ورىندارىندا وتكىزىلدى. قاتىسۋشىلار الدىمەن ءماتىننىڭ اۋديوجازباسىن تىڭدادى. تىڭداپ بولعان سوڭ اۋديوجازبا ارقىلى ديكتانتتى جازدى. تاقىرىبى – لاتىن ءالىپبيى جايىندا. 

ديكتانت اياقتالعان سوڭ ءماتىننىڭ دۇرىس نۇسقاسى لەد ەكراندا كورسەتىلدى. ءار ازامات ەكرانعا قاراپ وتىرىپ، ءوز ءماتىنىن تەكسەرە الادى. ديكتانت 3،4،5 شكالاسى ارقىلى باعالانادى.

ازاماتتارعا بۇگىنگى ديكتانت قيىنعا سوقپاعان سىڭايلى. شاراعا قاتىسقان 2-كۋرس ستۋدەنتى جانۇزاقوۆ بەرىك ديكتانتتان "5" دەگەن باعا العان. ايتۋىنشا، ديكتانتتى مۇلدەم قاتەسىز جازعان. 

«كيريلل الىپبيىنە ۇيرەنىپ قالعاندىقتان العاشىندا قيىن بولارى انىق. الايدا بۇل وزگەرىسكە بەيىمدەلىپ كەتەمىز دەپ ويلايمىن»، - دەدى بەرىك Qamshy.kz اقپارات اگەنتتىگىنىڭ تىلشىسىنە.