اقتاۋدا قاراشانىڭ 8-10 كۇندەرى اشيحارا-كاراتەدان VI الەم چەمپيوناتى وتەدى.

بۇگىن «ماڭعىستاۋ-ارەنا» سپورت كەشەنىندە الەمدىك دودانىڭ اشىلۋ ءراسىمى ءوتتى.

سالتاناتتى جيىنعا ماڭعىستاۋ وبلىسى اكىمىنىڭ ورىنباسارى ماقسات سقاقوۆ، اقتاۋ قالاسىنىڭ اكىمى عالىمجان نيازوۆ، وبلىستىق دەنە شىنىقتىرۋ جانە سپورت باسقارماسى باسشىسىنىڭ م.ا. نۇربەك جۇمابەك ۇلى، اشيحارا-كاراتەدەن VI الەم چەمپيوناتىن ۇيىمداستىرۋ كوميتەتىنىڭ مەنەدجەرى يگور وتاروۆ، «اشيحارا-كاراتە قوعامداستىعى–جاڭا حالىقارالىق كاراتە» ۇيىمىنىڭ باسشىسى كانتو حيدەنوري اشيحارا جانە سپورتشىلار مەن جاتتقتىرۋشىلار قاتىستى.

بۇعان دەيىن ەۋروپادا وتكىزىلىپ جۇرگەن جارىس تۇڭعىش رەت ازيادا جالاۋىن كوتەرىپ وتىر.

ءۇش كۇنگە سوزىلاتىن حالىقارالىق جارىس ءۇش بولىمنەن تۇرادى. كاتادان وتەتىن جارىس (جەكە جانە كوماندالىق)؛ اشيحارا فۋلل جارىسى (جاڭا ستيل)؛ اشيحارا كۋميتەدەن وتەتىن جارىس؛

جارىسقا مەملەكەتتىڭ سپورتشىلارى كەلەدى.

اقتاۋدا وتەتىن چەمپيوناتقا 20-عا جۋىق ەلدەن 370 ادام كەلدى. ونىڭ 243ء-ى سپورتشىلار. قالعانى جاتتىقتىرۋشىلار، كوماندا جەتەكشىلەرى مەن قولداۋشىلار.

قاتىسۋشىلار مىنا اتالىمدار بويىنشا جارىسادى: 4 جاسقا دەيىنگى بالالار؛ 14 جاستان 16 جاسقا دەيىنگى جاسوسپىرىمدەر؛ 16 جاستان 18 جاسقا دەيىنگى بالالار؛ 18 جاستان 35 جاسقا دەيىنگى، ەگدە جاستاعى ادامدار؛ 35 جاستان اسقان جانە ارداگەرلەر