بۇل جونىندە ايماق باسشىسى ەرالى لۇقپان ۇلى مالىمدەدى. اقوردادا ەلباسى نۇرسۇلتان نازاربايەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىستا ەلەكتر جانە جىلۋ ەنەرگياسىنا قولدانىستاعى تاريفتەردىڭ قالىپتاسۋى، سونداي-اق ەنەرگەتيكالىق قىزمەت نارىعىندا باعا بەلگىلەۋدى باقىلاۋدى قامتاماسىز ەتەتىن مەملەكەتتىك ورگانداردىڭ قىزمەتى تالقىلاندى. وبلىس اكىمى مەملەكەت باسشىسىنا وڭىردەگى كوممۋنالدىق قىزمەتتەر تاريفتەرى تۋرالى بايانداعان بولاتىن. ول ءوز سوزىندە ماڭعىستاۋ وبلىسىندا قولدانىستاعى تاريفتەردى تومەندەتۋ بويىنشا ناقتى شارالار قابىلدانعانىن ايتتى.

-وسى جىلدىڭ 1 قىركۇيەگىنەن باستاپ 187 مىڭ ادامدى قامتيتىن ەلەكتر تاراتۋدىڭ ءتاريفى اقتاۋ قالاسى بويىنشا 26% -عا تومەندەتىلدى. بۇرىن-سوڭدى مۇنداي كورسەتكىش بولماعان. ەكىنشىدەن، 1 شىلدەدە ەلەكتر قۋاتىن ءوندىرۋ ءتاريفى «قازترانسگازايماق-پەن» بىرلەسە وتىرىپ، وبلىستىڭ بۇكىل تۇرعىنىن قامتۋمەن 8% - عا تومەندەتىلدى. بۇل ناقتى قابىلدانعان شارالار. ەكى ەنەرگيا بەرۋشى كومپانيانىڭ ەلەكتر ەنەرگياسىن جەتكىزۋ سحەماسىنان الىپ تاستاۋ ارقىلى اقتاۋ قالاسىنىڭ قالا ماڭى بويىنشا تاريف 5 مىڭ ادامدى قامتي وتىرىپ، 17% - عا تومەندەدى. ناتيجەسىندە بارلىق وبلىس بويىنشا ەلەكتر ەنەرگياسىنا ءتاريفتىڭ جالپى تومەندەۋى ورتا ەسەپپەن 17% قۇرادى، - دەدى ەرالى توعجانوۆ بايانداماسىندا.