ەلباسى كوپشىلىكتىڭ سىنىنا ۇشىراعان پوليسەيلەردىڭ جاڭا فورماسىمەن تانىستى دەپ حابارلايدى Qamshy.kz اقپارات اگەنتتىگى 24.kz سايتىنىڭ دەرەگىن نەگىزگە الىپ. ءىىم قالمۇحانبەت قاسىموۆ قازاقستاندىق قۇقىققورعاۋشىلاردىڭ جاڭا فورماسىنىڭ ارتىقشىلىقتارىن ءتۇسىندىردى.
الداعى ۋاقىتتا قازاقستاندىق ءتارتىپ ساقشىلارىن قارا كوك ءتۇستى فورمادا كورەتىن بولامىز. پوليسەيلەردىڭ فورماسىندا "POLITSIIA" ءسوزى پايدا بولادى، لاتىن الىپبيىندەگى بۇل جازۋ شيەۆروندارعا دا جازىلادى. پوليسەيلەر جاڭا فورمانى 2019 جىلدان باستاپ كيەتىن بولادى.
ءىىم ايتۋىنا سەنسەك، قىزمەتكەرلەردىڭ جاڭا فورماسىنا 326 ملرد تەڭگە جۇمسالعان. وسىدان بۇرىن قاسىموۆ ءتورت جىل ىشىندە پوليسيا قىزمەتكەرلى ىڭعايسىز ءارى تىم رەسمي فورمانى اۋىستىرۋدى تالاي رەت سۇراعانىن ايتقان بولاتىن.
ال ەلباسى ءىىم رەفورماسى بويىنشا جينالىستا سويلەگەن سوزىندە مينيسترلىكتە شتاتتىڭ قىسقاراتىنىن، كەزەكتەن تىس اتتەستاسيانىڭ وتەتىنىن تىلگە تيەك ەتكەن بولاتىن. تاعى ءبىر ايتا كەتەرلىگى، پوليسەيلەردىڭ جالاقىسىن كوتەرۋ ءۇشىن 21،4 ملرد تەڭگە بولىنەدى.
