"انا ءتىلى" گازەتىنىڭ باس رەداكتورى جاناربەك ءاشىمجان ەلباسىنىڭ "ۇلى دالانىڭ جەتى قىرى" اتتى ماقالاسىنا قاتىستى ءوزىنىڭ پىكىرىن ءبىلدىردى، دەپ جازادى Qamshy.kz اقپارات اگەنتتىگى.

"ۇلتتىق سانانىڭ، تاريحي سانانىڭ قالىپتاسۋىنا قاتىستى ەلباسى تاۋەل-سىزدىك العالى دۇركىن-دۇركىن پلاتفورمالىق ماقالالار جاريالاپ كەلەدى. بۇگىن ەلباسى جەرگىلىكتى قازاقتارعا ءبىزدىڭ تاريحىمىزعا 550 جىل ەمەس، 2000 دا ەمەس، 5000 جىل دەگەندى مەڭزەپ وتىر. تاريحىڭدى تانى، وقى، كور دەپ جاتىر. بۇل ماقالا تاريحشى، ادەبيەتشى، جازۋشى-دراماتۋرگتەرگە عانا ەمەس، ماقالا مەنىڭ زامانداستارىما تاستالعان ۇران دەپ قابىلداۋ كەرەك. اسىرەسە، ءبىزدىڭ مادەنيەت، رۋحانيات، سپورتتاعى ستۋدەنتتەر، جاستار قاۋىمى مويىن بۇرسا دەگەن تىلەگىم بار. ويتكەنى، مەن پاتريوتپىن دەپ ايتۋ، ۇرانداتۋ، كوك تۋدى كوتەرۋ وڭاي، وعان عىلىمي تۇرعىدان باعا بەرۋ قاجەت. تاريحي سانانى عىلىمي تۇرعىدا بەكىتۋىمىز كەرەك.

«بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» ماقالاسىنا وراي جۇمىس ىستەيتىن ينستيتۋت اشۋ كەرەك دەپ ەسەپتەيمىن. ءبىزدىڭ بۇكىل تاريح، مۇراجاي، مادەنيەت، رۋحانيات، مادەني مۇرالارىمىز بەن سالت-داستۇرىمىزگە ارنايى قۇرىلىم قۇرسا دەگەن ويىم بار. عىلىم ورداسىنداعى بۇكىل ينستيتۋتتار جۇمىس ىستەۋدە، ولاردىڭ جۇمىسىن جوققا شىعارمايمىز. سولاردىڭ جۇمىسىن بىرىزدەندىرەتىن يدەولوگيالىق ءبىر ورتالىق كەرەك-

اق. بۇگىنگى ماقالا ۇلتتىق يدەولوگياعا جۇمىس جاسايتىن ءنومىرى ءبىرىنشى ماقالا بولىپ تۇر. اتا تاريحىمىزعا قايتا ورالۋ ءۇشىن جاسالعان قادام. بۇل ەل كۇتكەن جوبا"، - دەيدى جاناربەك ءاشىمجان.