مەملەكەت جانە قوعام قايراتكەرى نۇرلان ورازالين ەلباسىنىڭ «ۇلى دالانىڭ جەتى قىرى» اتتى ماقالاسىنا قاتىستى ءوز ويىن ءبىلدىردى.

«ەلباسى ن.نازاربايەۆتىڭ «ۇلى دالانىڭ جەتى قىرى» اتتى ماقالاسىن الاشتىڭ التىن بەسىگى سانالاتىن الماتىنىڭ زيالى قاۋىمى ەڭ العاش بولىپ تالقىلادى. بۇل – تۇبەگەيلى ءوزىنىڭ اتا زاڭى بار ەلدىڭ ىشكى جانە سىرتقى جاعدايىن، جالپى مەملەكەتتى ساقتاپ قالۋعا ۇلكەن اسەر بەرىپ، باعىت بولاتىن ەڭبەك دەپ ەسەپتەيمىن. نەگىزى ق ر پرەزيدەنتىنىڭ جارلىعىمەن 1998 جىل «حالىق بىرلىگى مەن ۇلتتىق تاريح جىلى» دەپ جاريالانعان بولاتىن. سول جىلداردان باستاپ ەلىمىزدىڭ تاريحقا دەن قويعانىن بايقاۋ قيىن ەمەس. اراعا ون جىل سالىپ ىشكى تۇتاستىعىمىزدى، سىرتقى ابىروي-بەدەلىمىزدى ساقتاپ قالۋ جونىندەگى ماسەلەلەر ەلباسىنىڭ كەزەكتى كەلەلى ماقالاسىندا كەڭىنەن قامتىلىپ وتىر.

ءبىز – تاۋەلسىز ەلمىز. قازاقستاندى بۇكىل الەم تانيدى. ەندىگى جەردە تاعىلىمدى تاريحىمىزدى زەردەلەپ، تاريحي قۇندىلىقتارىمىزدى پاش ەتۋىمىز كەرەك. جاڭاعى جۇقا تاريحتى قالىڭداتۋىمىز ءتيىس. تاريحتى ناسيحاتتاۋ ماسەلەنىڭ ءبىر قىرى عانا. زەرتتەۋ مەن وقىتۋدىڭ دا ارقالاپ تۇرعان جۇگى وتە اۋىر. تۇپتەپ كەلگەندە، تاريحتى ساليقالى زەرتتەۋ مەن بىلىكتى وقىتۋ ونى ناسيحاتتاۋدىڭ مازمۇنى مەن ءورىسىن انىقتايدى»، - دەپ تارقاتتى قايراتكەر.