مەملەكەت جانە قوعام قايراتكەرى، پەداگوگ-عالىم ءشامشا بەركىمبايەۆا پرەزيدەنتتىڭ «ۇلى دالانىڭ جەتى قىرى» اتتى ماقالاسىنا ءوز جىلى لەبىزىن ءبىلدىردى.
«ەلباسىنىڭ «ۇلى دالانىڭ جەتى قىرى» اتتى ماقالاسىن وقي وتىرىپ، ءالى كۇنگە دەيىن ۇلتتىق قۇندىلىقتارىمىزدى باعالاي الماي جۇرگەنىمىزگە تاعى كوز جەتكىزىپ وتىرمىن. ايدىڭ-كۇننىڭ امانىندا، رۋحاني، مادەني بايلىعىمىزدى باسقالاردان تاماشالاپ وتىرعانىمىز ەلدىگىمىزگە جاراسا ما؟ بۇعان كىنانى ۇلتتىق قۇندىلىعىمىزدى ۇلىقتاپ وتىرعان وزگە ەلدەن ەمەس، بارىمىزدى باعالاي الماعان وزىمىزدەن ىزدەگەنىمىز ءجون سەكىلدى»، - دەپ ءسوز قوزعادى.
وسىعان قوسا ءشامشا بەركىمبايەۆا حالقىمىز ۇلتتىق قۇندىلىعىمىزدى ودان ءارى جاڭا زامانعا ساي دامىتىپ، الەمگە تانىتۋ قاجەتتىگىن العا تارتتى.
«ەلباسىنىڭ ماقالاسىندا ايتىلعان جىلقى، الما تاقىرىپتارى ءبارى-بارى ءوزىمىزدىڭ ءتول قۇندىلىقتارىمىز. مىسالى، موڭعوليادا جىلقىعا ارنالعان مۇراجاي بار. بىزدە نەگە سونداي عيمارات اشپاسقا؟! جىلقى بىزدىكى دەيمىز، الايدا قىرعىزدار كوكپار بىزدىكى دەيدى، ال نەمىس قىمىز بىزدىكى دەيدى. ۇلتتىق قۇندىلىقتاردىڭ باستاۋى – وتباسى. قازاقتىڭ ۇلتتىق داستۇرلەرى كەلەشەك ۇرپاق ءۇشىن رۋحاني ازىق بولىپ قالۋ كەرەك. تاعى ءبىر ايتارىم، تەاترلارىمىز شەت ەل كلاسسيكتەرىمەن كوپتەپ اۋەستەنىپ كەتكەن سىڭايلى. ارينە، كلاسسيكانىڭ اتى – كلاسسيكا، ودان ۇيرەنەرىمىز دە، ۇلگى ەتەرىمىز دە از بولماسا كەرەك. الايدا، ۇلت تەاترىنىڭ ەڭ باستى مىندەتى – ءوز حالقىنا تەك شەتەل شىعارمالارىن جارنامالاۋ ەمەس قوي؟! قايتا ءوزىمىزدىڭ ۇلتتىق دراماتۋرگيامىزدى، وپەرامىزدى دامىتىپ، سونى شەت ەلگە كوبىرەك شىعارۋعا تالپىنىس جاساۋىمىز كەرەك. ماسەلەن، اباي اتىنداعى وپەرا جانە بالەت تەاترىنىڭ رەپەرتۋارىندا بىردە-بىر وتاندىق قويىلىمنىڭ جوقتىعىن بايقادىم. «كۇي سالتاناتى» دەگەن ساراي سالىپ، كۇيشىلەر مۇراجايىن دۇنيەگە كەلتىرسەك دەگەن ۇسىنىس بىلدىرەر ەدىم»، - دەپ اياقتادى سپيكەر.
پىكىر قالدىرۋ