قازاقتىڭ اڭىز اكتەرى ءاسانالى ءاشىموۆ 89 جاسىنا قاراعان شاعىندا ومىردەن وزدى. بۇل تۋرالى جۋرناليست دياس نۇراقىن حابارلادى.

"تەاتر جانە كينو تارلانى، كۇللى قازاقتىڭ اقساقالى ءاسانالى ءاشىموۆ ماڭگىلىك مەكەنىنە اتتانىپتى. يمانى جولداس بولسىن!"، - دەپ جازدى ول Facebook جەلىسىندەگى پاراقشاسىندا.

ءاسانالى ءاشىم ۇلى ءاشىموۆ (8 مامىر 1937 جىل، سارىسۋ اۋدانى، جامبىل وبلىسى) — كەڭەستىك جانە قازاقستاندىق كينو جانە تەاتر اكتەرى، كينو جانە تەاتر رەجيسسەرى، تەاتر پەداگوگى، پروفەسسور. قازاق كسر حالىق ءارتىسى (1976)، كسرو حالىق ءارتىسى (1980). قازاق كسر مەملەكەتتىك سىيلىعىنىڭ لاۋرەاتى (1973)، كسرو مەملەكەتتىك سىيلىعىنىڭ لاۋرەاتى (1974). قازاقستان تەاترلار اسسوسياسياسىنىڭ پرەزيدەنتى. مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى.