ماڭعىستاۋدا وتباسى ينستيتۋتىن نىعايتۋ جانە ۇلتتىق قۇندىلىقتاردى دارىپتەۋگە باعىتتالعان ايماقتىق فورۋم ءوتتى

18 جەلتوقسان كۇنى اقتاۋ قالاسىندا وتباسى ينستيتۋتىن نىعايتۋ مەن ۇلتتىق قۇندىلىقتاردى دارىپتەۋگە ارنالعان «وتباسى جانە قوعام: جاڭا مۇمكىندىكتەر كەزەڭى» اتتى ايماقتىق فورۋم ءوتتى، دەپ حابارلايدى قوعامدىق كوممۋنيكاسيا ورتالىعى.

اۋقىمدى ءىس-شارا وبلىس اكىمىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا، «AMANAT» پارتياسى ماڭعىستاۋ وبلىستىق فيليالى جانىنداعى ايەلدەر قاناتى، جاڭاوزەندىك «انالار كابينەتى» قوعامدىق قورىنىڭ قولداۋىمەن ۇيىمداستىرىلدى.

فورۋمنىڭ باستى ماقساتى – وتباسى ينستيتۋتىن نىعايتۋ، ۇلتتىق تاربيەنىڭ ماڭىزىن ارتتىرۋ، سونداي-اق مەملەكەتتىك قۇرىلىمدار مەن ازاماتتىق قوعام اراسىنداعى ءوزارا سەرىكتەستىكتى جاڭا دەڭگەيگە كوتەرۋ.

شاراعا ەلىمىزدىڭ ءار وڭىرىنەن كەلگەن دەلەگاسيالارمەن قاتار ماڭعىستاۋ وبلىسى اكىمىنىڭ ورىنباسارى اببات ورىسبايەۆ، ارداقتى انا، حالىق ەمشىسى قالامقاس كۇلباراقوۆا، پسيحولوگ، التى كىتاپتىڭ اۆتورى ەلجاس ەرتاي ۇلى، قىزىلوردا وبلىسىنداعى «اناعا تاعزىم» ورتالىعىنىڭ ديرەكتورى، «AMANAT» پارتياسى قىزىلوردا وبلىستىق فيليالى جانىنداعى ايەلدەر قاناتىنىڭ ءتورايىمى التىناي مولجانوۆا، «Astana» تەلەارناسىنىڭ باس پروديۋسەرى، كوپبالالى انا مەيرامگۇل ءمادالى، ۇلتتىق جانە وڭىرلىك كوميسسيا مۇشەلەرى، قوعام قايراتكەرلەرى، كاسىپكەرلەر، كوپبالالى انالار، ءبىلىم سالاسىنىڭ وكىلدەرى قاتىستى.

سونداي-اق استانا، اقتوبە، اتىراۋ، باتىس قازاقستان جانە قىزىلوردا وبلىستارىنان ارنايى دەلەگاسيالار كەلدى.