2025 جىلدىڭ سوڭىندا مەملەكەت باسشىسى قاسىم-جومارت توقايەۆ جامبىل وبلىسىنا جاساعان جۇمىس ساپارى كەزىندە اتى اڭىزعا اينالعان باتىر باۋىرجان مومىشۇلىنا «حالىق قاھارمانى» اتاعىن بەرۋ تۋرالى شەشىمىن جاريالاپ، ءتيىستى جارلىققا قول قويعان بولاتىن.
مەملەكەتتىك كەڭەسشى ەرلان قارين الماتىدا ۇلى وتان سوعىسىندا ەرلىك پەن باتىلدىق كورسەتكەن باۋىرجان مومىش ۇلىنىڭ تۋىستارى زەينەپ احمەتوۆا مەن ەرجان مومىشۇلىنا پرەزيدەنت اتىنان ايرىقشا ەرەكشەلىك بەلگىسى – التىن جۇلدىز بەن «وتان» وردەنىن تاپسىردى.
– حالقىمىز باۋىرجان مومىشۇلىن ءاردايىم باتىر دەپ بىلەدى، قاھارمان دەپ قاستەرلەيدى. مەملەكەت باسشىسى قاسىم-جومارت توقايەۆتىڭ بۇل جولعى شەشىمى حالىقتىڭ وعان دەگەن ىستىق ىقىلاسىن ودان ءارى ارتتىرا ءتۇستى. ەڭ باستىسى، كوپتەن كۇتكەن تاريحي ادىلدىك قالپىنا كەلتىرىلدى، – دەدى مەملەكەتتىك كەڭەسشى.
سونداي-اق ەرلان قارين قايسار رۋح پەن ءور مىنەزدىڭ سيمۆولىنا اينالعان باۋىرجان مومىش ۇلىنىڭ ءومىرى جاس ۇرپاققا ۇلگى-ونەگە ەكەنىن اتاپ ءوتتى.
