ۇلىبريتانيا مەن فرانسيا ۋكرايناعا اسكەر جىبەرۋگە دايىن ەكەنىن جاريالادى.
ۇلىبريتانيا مەن فرانسيا ۋكراينادا رەسەيمەن بەيبىت كەلىسىم جاسالعان جاعدايدا، ەلگە ءوز اسكەرىن جىبەرۋ جونىندە نيەت تۋرالى دەكلاراسياعا قول قويدى. بۇل تۋرالى ۇلىبريتانيا پرەمەر-مينيسترى كير ستارمەر پاريجدەگى كەزدەسۋدەن كەيىن مالىمدەدى.
جوسپارعا سايكەس، ۋكراينا اۋماعىندا اسكەري حابتار قۇرىلىپ، ەلدىڭ قاۋىپسىزدىگىن قامتاماسىز ەتۋ جانە بولاشاقتا جاڭا شابۋىلداردىڭ الدىن الۋ كوزدەلىپ وتىر. فرانسيا پرەزيدەنتى ەممانۋەل ماكرون مىڭداعان اسكەر جىبەرىلۋى مۇمكىن ەكەنىن ايتتى.
وداقتاستار ۋكرايناعا بەرىلەتىن قاۋىپسىزدىك كەپىلدىكتەرى بويىنشا ورتاق كەلىسىمگە كەلگەنىمەن، اۋماق ماسەلەسى ءالى تالقىلانۋ ۇستىندە.
ۋكراينا پرەزيدەنتى ۆلاديمير زەلەنسكيي بەيبىت كەلىسىمنىڭ 90 پايىزى دايىن ەكەنىن ايتىپ، قالعان ماسەلەلەر سوعىستىڭ تاعدىرىن شەشەتىنىن جەتكىزدى.
