قونايەۆتاعى اباي كوشەسىندە بىرنەشە جىلدار بويى ستيحيالىق ساۋدا ورنى قالىپتاسقان.
قالانىڭ كەلبەتىن جاقسارتۋ، تۇرعىن ءۇي الاڭىن اباتتاندىرۋ ماقساتىندا مۇندا سكۆەر پايدا بولدى. سونىمەن قاتار مۇندا ۆوركاۋت الاڭى سالىندى.
قاپشاعاي (قازىرگى قونايەۆ) قالاسى اكىمدىگىنىڭ 2022 جىلعى قاۋلىسىمەن «ايشا سيتي» بازارى ستاسيونارلىق ەمەس بولشەك ساۋدا ورنى رەتىندە بەلگىلەنگەن. سول سەبەپتى ەندى ساتۋشىلار وسى بازارعا بارىپ، كاسىپپەن اينالىسۋى ءتيىس. جارمەڭكەلىك ورىندار دايىندالىپ قويعان.
قازىرگى تاڭدا ستيحيالىق ساۋدا ورىندارىندا رەيدتىك ءىس-شارالار جۇرگىزىلۋدە. جىل باسىنان بەلگىلەنبەگەن ورىندا ساۋدا ساتقاندارى ءۇشىن جەكە جانە زاڭدى تۇلعالارعا 2 562 600 تەڭگە ايىپپۇل سالىنعان. سونداي-اق وسى تاقىرىپتا اقپاراتتىق باننەرلەر ءىلىندى.
بۇعان دەيىن ساتۋشىلارمەن اكىمدىك وكىلدەرى ءبىرقاتار كەزدەسۋلەر ۇيىمداستىرىپ، ءمان-جايدى ءتۇسىندىردى.
سونىمەن قاتار شاھاردا قولايلى ورتا قۇرۋ باعىتىنداعى «حالىق قاتىساتىن بيۋدجەت» جوباسى اياسىندا 15 ايماق اباتتاندىرىلۋدا. جىل سوڭىنا دەيىن بارلىق جوبانىڭ قۇرىلىسى اياقتالادى.
