شقو اكىمى دانيال احمەتوۆ ومىردەن وزعان قازاقستاندىق عالىم كارل بايپاقوۆتىڭ تۋعان-تۋىستارىنا كوڭىل ايتتى.
«بەلگىلى قازاقستاندىق ارحەولوگ عالىم، تاريح عىلىمدارىنىڭ دوكتورى، پروفەسسور، قازاقستان رەسپۋبليكاسى عىلىم اكادەمياسىنىڭ اكادەميگى كارل مولداحمەت ۇلى بايپاقوۆتىڭ ومىردەن وتكەنىن زور كۇيزەلىسپەن قابىلدادىم. بۇل – ەل ءۇشىن ورنى تولماس قازا بولدى.
شىعىسقازاقستاندىقتار مەن جەكە ءوز اتىمنان كارل مولداحمەت ۇلىنىڭ وتباسىنا، تۋعان-تۋىستارى مەن حالىقارالىق عىلىمي قاۋىمداستىققا قايعىرىپ، كوڭىل ايتامىن.
وتاندىق ارحەولوگيا مايتالمانى، قازاقستان تاريحى بويىنشا العاشقى وقۋلىقتاردىڭ اۆتورى بولعان كارل مولداحمەت ۇلى ورتالىق ازيا مەن قازاقستاننىڭ ورتا عاسىرلىق ارحەولوگياسىنا ايتۋلى ۇلەس قوسقان ءىرى مامان رەتىندە ۇلى دالا تاريحىن تۇگەندەپ، بايىتا تۇسكەن كونە قالالار مەن قونىستار بويىنشا اۋقىمدى زەرتتەۋلەردى العاش جۇرگىزگەن ەدى.
سوڭعى جىلدارى ول شىعىس قازاقستان وبلىسىندا xvii عاسىرعا جاتاتىن بۋدديزم مادەنيەتىنىڭ قازىناسى بولعان ابلايكيت بەكىنىس-عيباداتحاناسىن زەرتتەۋمەن شۇعىلداندى. ارحەولوگيا سالاسىنداعى عىلىمي-زەرتتەۋ سالاسىنداعى وبلىستىق باعدارلاما اياسىندا زەرتتەۋ جوباسىنا جەتەكشىلىك ەتىپ، قازاقستان اۋماعىنداعى كونە ەسكەرتكىشتەردى زەرتتەۋگە باعا جەتپەس ۇلەسىن قوستى.
كارل مولداحمەت ۇلى بايپاقوۆتىڭ عىلىمي ەڭبەكتەرى مەن مونوگرافيالارى الداعى ۋاقىتتا زەردەلەنىپ، جالعاسىن تابارىنا، قازاقستاندىق جانە حالىقارالىق ارحەولوگيا مەن عىلىمعا تىڭ جاڭالىقتار مەن ءبىلىم دەرەككوزى بولارىنا كامىل سەنەمىن»، - دەپ اتاپ ءوتتى شقو اكىمى دانيال احمەتوۆ.
