قازاقستاندا 16 جاستاعى قىزدارعا تۇسىك جاساتۋعا زاڭمەن رۇقسات ەتىلۋى مۇمكىن دەپ جازادى Qamshy.kz اقپارات اگەنتتىگى كتك تەلەارناسىنىڭ دەرەگىن نەگىزگە الىپ. 

قازىرگى زاڭناما بويىنشا كامەلەتكە تولماعان قىزدارعا مەديسينالىق كومەك كورسەتۋ ءۇشىن اتا-اناسىنىڭ نەمەسە زاڭدى وكىلىنىڭ كەلىسىمى مىندەتتى تۇردە كەرەك.

دەنساۋلىق ساقتاۋ مينيسترلىگى قىز بالالارعا 16 جاستان باستاپ اتا-اناسىنىڭ كەلىسىمىن الماي-اق، جاساندى تۇسىك جاساتا بەرۋدى زاڭعا ەنگىزگىسى كەلىپ وتىر. 

قازىرگى زاڭناما بويىنشا كامەلەتكە تولماعان قىز بالالارعا مەديسينالىق كومەك كورسەتۋ ءۇشىن اتا-اناسىنىڭ نەمەسە زاڭدى وكىلىنىڭ كەلىسىمى مىندەتتى تۇردە كەرەك. دەنساۋلىق ساقتاۋ مينيسترلىگى وسىنى كەدەرگى دەپ، زاڭنان الىپ تاستاعىسى كەلەدى.

"جاسوسپىرىمدەر 16 جاستان باستاپ ءوز بەتىنشە شەشىم قابىلدايتىن بولادى. بۇل الەمدە بار تاجىريبە. ءقازىر اياقاستى بالا كوتەرىپ قالعان قىزدار كوبەيىپ بارادى. ال وسى زاڭ جۇكتىلىكتىڭ ەرتە كەزەڭىندە ءتيىستى مەديسينالىق كومەك الۋعا مۇمكىندىك بەرەدى"، — دەيدى دەنساۋلىق ساقتاۋ ۆيسە-مينيسترى ءلاززات اقتايەۆا.  

ياعني، قىز بالا ءوز بەتىنشە شەشىم قابىلدايدى دا، وعان اتا-اناسى نەمەسە زاڭدى وكىلى ارالاسپايدى. دارىگەرلەر دە جاساندى تۇسىك جاساۋ ءۇشىن ۇلكەندەردەن رۇقسات سۇراپ جاتپايدى. ادام ءوز تاعدىرىن ءوزى شەشەتىن بولسا دا، مۇنداي جاعداي جاسوسپىرىمدەردىڭ تانىم-تۇسىنىگىنە تىم اۋىر، دەيدى پسيحولوگتار. 

"كىشكەنتاي قىزداردى تۇسىككە اپارۋ تىعىرىقتان شىعۋدىڭ جولى ەمەس. بارلىق مەكتەپكە بارىپ، سول قىز بالالارمەن، جىگىتتەرمەن سويلەسۋ كەرەك. جىنىستىق ساۋاتىن اشۋىمىز قاجەت"، — دەيدى پسيحولوگ ءاسيا مامبەتالينا.

رەسمي دەرەكتەرگە قاراساق، ەرتە جاستان جۇكتى بولعان قىزدار ازايماي وتىر. بىلتىردىڭ وزىندە ولاردىڭ سانى ءۇش جارىم مىڭعا جەتىپ قالعان. ايتسە دە زاڭعا ەنگىزۋگە ۇسىنىلعان بۇل وزگەرىستەر الداعى ۋاقىتتا قوعام تالقىسىنا ءتۇسۋى كەرەك. ال ازىرگە ەلىمىزدە اياعى اۋىر جاس قىزداردىڭ جاعدايىنا بولىساتىن 105 جاستار دەنساۋلىعى ورتالىعى جۇمىس ىستەيدى.