وبلىس اكىمدىگىنىڭ اپپاراتتىق جيىنىندا كوممۋنالدىق قىزمەت كورسەتۋ تاريفتەرىن تومەندەتۋ ماسەلەلەرى تۋرالى تۇرعىن ۇي-كوممۋنالدىق شارۋاشىلىق ءبولىمى باستىعىنىڭ مىندەتىن اتقارۋشى جاندوس ءسالىموۆ باياندادى. «2019 جىلعى 1 قاڭتاردان باستاپ زاڭدى تۇلعالار ءۇشىن، اتاپ ايتقاندا «ماەك-قازاتومونەركاسىپ» ەلەكتر ستانسياسى ءۇشىن گاز ءتاريفى قوسىمشا 10 پايىزعا تومەندەيدى. ەلەكتر ەنەرگياسىن ءوندىرۋ - اعىمداعى جىلدىڭ 1 قاڭتارىنان باستاپ «قازترانسگازايماق» اق-نىڭ گاز ءتاريفىن 10% -عا تومەندەتۋىنە بايلانىستى، «ماەك-قازاتومونەركاسىپ» ءجشس-نىڭ ەلەكتر ەنەرگياسىنىڭ ءتاريفى 19%-عا ارزانداپ، وبلىستاعى 671،3 مىڭ تۇرعىنىن قامتيدى»، - دەيدى ج.ءسالىموۆ.

«مەبك» ج ش س تۇرعىندار ءۇشىن بەرىلەتىن ەلەكتر ەنەرگياسىنىڭ ءتاريفى 50% جانە وڭىرلىك مكك ءۇشىن 13%-عا تومەندەمەك. اعىمداعى جىلدىڭ 1 قاڭتارىنان باستاپ ەلەكتر قۋاتىنىڭ ءتاريفى 18%-عا تومەندەگەننىڭ ارقاسىندا «كاسپيي سۋ تۇششىتۋ زاۋىتى» ءجشس-نىڭ وندىرەتىن اۋىز سۋدىڭ ءتاريفى 7،0%-عا تومەندەيدى، ياعني 150 مىڭ ادامدى قامتيتىن بولادى. اكىمدىكتىڭ باسپا ءسوز قىزمەتىنىڭ مالىمەتىنشە، جىلۋ ەنەرگياسىن جەتكىزۋ بويىنشا - 2019 جىلعى 1 قاڭتاردان باستاپ جىلۋ ەنەرگياسىنا تاريف 3% -عا، ىستىق سۋمەن جابدىقتاۋ ىستىق سۋعا تاريف 5،3%-عا تومەندەيدى دەپ كۇتىلۋدە.