ماڭعىستاۋ وبلىسى اكىمىنىڭ اپپارات جيىنىندا تىلدەردى دامىتۋ، مۇراعاتتار جانە قۇجاتتاما باسقارماسىنىڭ باسشىسى تولەۋعالييەۆا گۇلزايدا وسىلاي دەدى.

ول قازاقستان رەسپۋبليكاسىنداعى تىلدەردى دامىتۋ مەن قولدانۋدىڭ 2011-2019 جىلدارعا ارنالعان مەملەكەتتىك باعدارلاماسىنىڭ 3-كەزەڭى ىسكە اسىرىلىپ جاتقانىن جەتكىزدى.

«وبلىستاعى مەملەكەتتىك ءتىلدى مەڭگەرگەن تۇرعىنداردىڭ ۇلەسى – 97،7%. ءۇش ءتىلدى ىلگەرىلەتۋ اياسىندا مەملەكەتتىك قىزمەتشىلەرگە تەگىن كۋرستار ۇيىمداستىرىلىپ، وعان مەملەكەتتىك ورگانداردان 405 ادام قاتىسقان. مەملەكەتتىك تىلدەگى قۇجات اينالىمىنا جۇرگىزىلگەن مونيتورينگ 2018 جىلدىڭ 10 ايى بويىنشا – 99،2%-دى قۇرادى. بۇقارالىق اقپارات قۇرالدارىنداعى قازاق ءتىلدى كونتەنتتىڭ ۇلەسى 99،5%»، - دەدى گۇلزايدا تولەۋعالييەۆا.

سونداي-اق جيىندا وڭالتۋ جانە بانكروتتىق راسىمدەرىن جەتىلدىرۋ ماسەلەلەرى تۋرالى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسىنىڭ ورىنباسارى جانسۇلۋ بابايەۆا بايانداما جاسادى. 2018 جىلدىڭ ون ايىنداعى مالىمەت بويىنشا ايماقتاعى سالىق بەرەشەگى 42 488،3 ملن. تەڭگەنى قۇرادى. 3،325،0 ملن. تەڭگە ەسەبىن قۇرايتىن 720 بورىشكەرگە جەكە مۇلىكتەرىنە تۇگەندەۋ اكتىلەرى جاسالدى. جالپى سوماسى 587،0 ملن. تەڭگە قۇرايتىن 82 ماتەريال «كرۋا» اق-نا ساتىلىمعا شىعارۋ ءۇشىن بەرىلدى. ىستەلگەن شارالاردىڭ ناتيجەسىندە بيۋدجەتكە 810،0 ملن. تەڭگە ءتۇستى. سالىق كودەكسىنە سايكەس، 1 502،5 ملن. تەنگە سالىق بەرەشەگى بار 20 سالىق تولەۋشىلەرگە سالىقتى تولەۋ مەرزىمى ۇزارتىلعان.