پيتەر بوس ناگالاندىق حەدحانتەرلەر بەينەسىن سۋرەتتەيتىن سەريالار ءتۇسىردى. بۇل بەينەلەر «كونياكتار: اشەكەيلى اڭشىلاردىڭ سوڭعى بۋىنى» دەگەن كىتاپتان تاڭدالىنىپ الىندى.
حەدحانتەرلەر وزدەرىنىڭ تاتۋيروۆكالارىن دۇشپاندارىنا دەگەن قارسىلىقتارىن بەينەلەۋ ءۇشىن پايدالانعان.
حەدحانتەرلەر تاريح قويناۋىنا ءسىڭىپ كەتكەنىنە قاراماستان كونياك تايپاسىنىڭ ەگدە تۇرعىندارىنىڭ بويىنداعى تاتۋيروۆكالار ساقتالىپ كەلەدى.
كونياك تايپاسىنىڭ شامامەن 230 مىڭعا جۋىق تۇرعىنى ءۇندىستاننىڭ ميانما شەكاراسىنا جاقىن ناگالاند ەلدىمەكەنىندە تۇراقتاعان.
حريستيان ميسسيونەرلەرى ايماققا تابان تىرەگەن ءحىح عاسىردىڭ ەكىنشى جارتىسىنان باستاپ تايپانىڭ ءداستۇرلى تاتۋيروۆكاسى السىرەي باستادى.
بەت بەلگىلەرىمەن قوسقاندا دەنە تاڭبالارى تايپادا اتالىپ وتكەن نەگىزگى جانە وتپەلى كەزەڭدەردەگى سالت-جورالعىلاردى ورىنداۋ بارىسىندا پايدالانىلعان.
بوس ناگالاند ەلدىمەكەنىندەگى كۇندەلىكتى ومىردەگى ءتۇرلى اسپەكتەلەردى تاۋىپ، كورسەتكەن.
كونياك جاۋىنگەرىنىڭ ءداستۇرلى كيىمى.
«تاتۋيروۆكانىڭ ءاربىر تاڭباسى الدەكىمنىڭ مارتەبەسى نەمەسە ءومىر كەزەڭىن بەينەلەگەن»، - دەيدى 38 جاستاعى كونياك حەدحانتەردىڭ شوبەرەسى پەجين كونياك.
بوس پورترەتتەرىمەن قوسا كىتاپتا تاتۋ سۋرەتتەرىنىڭ يلليۋستراسيالارى مەن تايپانىڭ ادەت-عۇرىپتارى، راسىمدەرى جانە قوعامدىق قۇرىلىستارى جايلى مالىمەتتەر ەگجەي-تەگجەيلى قامتىلعان.
تاتۋيروۆكالار ءداستۇرلى تۇردە روتاندار مەن اعاش پيگمەنتتەرىن پايدالانۋ ارقىلى قولمەن تەرىگە بەكىتىلگەن.
كونياك ءوز زەرتتەۋىنىڭ داستۇرلەرى جوعالىپ كەتكەن تايپاسىنىڭ جاس بۋىن وكىلدەرى ءۇشىن قۇندى جازبا بولىپ قالاتىندىعىنا سەنەدى.
پورترەتتەردىڭ ءتورت جىلعا جۋىق ۋاقىت ارالىعىندا دايىنداعان بوس التى اپتاداي ناگالاندتا بولعان.
پورترەتتەر تايپانىڭ بامبۋكتەن، پالما جاپىراعىنان جانە اعاشتان جاسالعان ءداستۇرلى ۇيلەرىندە ءجيى تۇسىرىلگەن.
بوس ءبىر قاراعاندا قورقىنىشتى كورىنەتىن جاۋىنگەرلەردىڭ مەيىرىمدى جانە دارحان بولعانىمەن، پورترەتتەرىنىڭ «ولارداعى مۇڭدى» بەينەلەيتىنىن ايتتى.
بوس جوبالارىنىڭ باسىم بولىگىندە ءداستۇرلى كيىمدەردى پايدالانىلدى، ءبىراق كەيبىرەۋلەرىندە سپورتتىق كيىمدەر مەن زاماناۋي ۇلگىدەگى اكسەسسۋارلار كورىنىس تاپتى.
«ولار ءالى ءتىرى، ءبىراق ۋاقىت ولاردى قۇرىقتادى»، - دەيدى بوس ەگدە تۇرعىندار جايلى.
«ولار ەندى بۇل الەمدە جوق».
دەرەككوز: cnn.com
اۋدارعان: ءمولدىر بەكجان
