28 قاراشا 2018 جىلى مەملەكەتتىك قىزمەت ىستەرى دەپارتامەنتىندە اگەنتتىكتىڭ قوعامدىق قابىلداۋىنىڭ اشىلۋى بولىپ ءوتتى. ونى اشۋدىڭ ماقساتى – حالىقتىڭ قوعام وكىلدەرىمەن، ادەپ جونىندەگى كەڭەس جانە ارنايى مونيتورينگتىك توپ مۇشەلەرىمەن كەزدەسۋى ءۇشىن ءبىرىڭعاي الاڭدى قۇرۋ قاجەتتىلىگىندە. اتالعان الاڭ ءوز جەكە كەڭسەلەرى جوق قوعام وكىلدەرىن بىرلەستىرۋگە باعىتتالعان Co working center سەكىلدەس. بۇل توپتىڭ جۇمىسى مەملەكەتتىك قىزمەت كورسەتۋ سالاسىنداعى سىبايلاس جەمقورلىققا قارسى ءىس-قيمىل، مەملەكەتتىك قىزمەتشىلەرمەن ادەپ نورمالارى مەن مەملەكەتتىك قىزمەت تۋرالا زاڭنامانىڭ ساقتالۋى ماسەلەلەرى بويىنشا قوعامعا كومەك كورسەتۋگە نەگىزدەلگەن.

زاماناۋي قوعامدا  جۇرگىزىلىپ جاتقان رەفورمالاردىڭ نەگىزىن حالىققا دۇرىس جانە ۋاقىتىلى جەتكىزە الاتىن، ازاماتتاردىڭ مەملەكەتتىك ورگانداردىڭ ارەكەتىنە نەمەسە مەملەكەتتىك قىزمەتشىلەردىڭ ادەپ-قۇلقىنا شاعىمدارى بولسا، ولاردى شەشۋگە كومەكتەسەتىن قوعام وكىلدەرىنىڭ ءرولى ۇلكەن. ەلىمىزدىڭ ءاربىر تۇرعىنى وزدەرىن مازالاعان سۇراقتارىمەن ادەپ جونىندەگى كەڭەس مۇشەسىنە جۇگىنۋگە قۇقىلى.

اگەنتتىكتىڭ قوعامدىق قابىلداۋىنىڭ اشىلۋى استاناداعى ازاماتتىق فورۋمنىڭ وتۋىمەن تۇسپا-تۇس كەلىپ وتىر. ازاماتتىق فورۋمنىڭ ماقستاتى دا ازاماتتىق سەكتور، مەملەكەتتىك ورگاندار مەن بيزنەس-قۇرىلىمنىڭ اراسىنداعى اشىق ديالوگتى قامتاماسىز ەتۋدە.

قوعامدىق قابىلداۋ ساعات 9:00-دەن 18:30-عا دەيىن جۇمىس جاسايدى. ول ينتەرنەت-بايلانىسپەن، كومپيۋتەرمەن جانە كوشىرمە تەحنيكالارىمەن، بايلانىس قۇرالدارىمەن جابدىقتالعان. ۇل الاڭ ادەپ جونىندەگى كەڭەس مۇشەلەرىنە، قوعام وكىلدەرىنە، سول سياقتى حالىققا وزدەرىنىڭ زاڭدى قۇقىقتارىن  قورعاۋدا ساپالى كومەك جانە قولداۋ كورسەتۋدە ۇلكەن مۇمكىنشىلىك بەرەدى دەپ سەنەمىز.