ماڭعىستاۋ وبلىستىق قازاقستان حالقى اسسامبلەياسىنىڭ ءححىى سەسسياسى وترىسىندا جاساعان بايانداماسىندا وبلىس اكىمى دەنساۋلىق، ءبىلىم، مادەنيەت، سپورت جانە الەۋمەتتىك سالا قىزمەتكەرلەرى مەن جاستار ءۇشىن جاسالعان جۇمىستار جونىندە باياندادى.

-ماڭعىستاۋ وبلىسىنىڭ جالپى ءبىلىم بەرۋ ۇيىمدارىندا وقۋشىلارعا كاسىپتىك باعدار بەرۋ جۇمىستارى  جۇيەلى تۇردە وتكىزىلەدى. «سەرپىن» باعدارلاماسىمەن 1039 بالا ءبىلىم الىپ الۋدا، ونىڭ ىشىندە جوعارعى وقۋ ورنى  – 864، كوللەدجەردە – 175 بالا. 2018 جىلدىڭ ءساۋىر ايىنىڭ 14-دە وبلىستىق مەكتەپ ءبىتىرۋشى تۇلەكتەرگە ارنالعان «ماماندىقتار فەستيۆالى» وتكىزىلدى. فەستيۆالدارعا رەسپۋبليكالىق «سەرپىن» باعدارلامالار باسقارماسىنىڭ باسشىلىعى، جوباعا كىرەتىن 13 جوعارعى وقۋ ورنى  وكىلدەرى مەن باتىس ءوڭىرى كوللەدجدەرىنىڭ ستۋدەنتتەرى قاتىستى. وسى شاراعا مىڭنان اسا وقۋشى مەن ستۋدەنتتەر قاتىستىرىلدى»، - دەدى ءوڭىر باسشىسى ءوز سوزىندە.

ايتا كەتەيىك، «سەرپىن 2050» الەۋمەتتىك جوباسى 2014 جىلدان بەرى جۇمىس ىستەپ كەلە جاتىر. الەۋمەتتىك جوبانىڭ ماقساتى — بەس ءىرى ءوڭىردىڭ جاستارىن كادر جەتىسپەۋشىلىگىن باستان كەشىرىپ وتىرعان قازاقستاننىڭ شىعىس، سولتۇستىك جانە ورتالىق وڭىرلەرىندە وقىتىپ، جۇمىسقا ورنالاستىرۋ.

جوباعا ۇبت تاپسىرماعاندار، بىلتىر جانە وعان دەيىنگى جىلدارى مەكتەپ نەمەسە كوللەدج ءبىتىرىپ،  جوو-نا تۇسە الماعان جاستار قاتىسا الادى. ول ءۇشىن كەشەندى تەستىلەۋ تاپسىرۋ كەرەك. دەگەنمەن تاڭداۋ ءپانى مەن وزگە پاندەردەن 5 بالدان تومەن العاندار قاتىسا المايدى.