قازاق تىلىندە دۋبلياجدالعان كينوفيلمدەردى ەلىمىزدىڭ كينوتەاترلارىندا ىڭعايلى ۋاقىتقا قويۋعا بايلانىستى پەتيسيا جاريالانىپ، ول petitions247.com سايتىندا جارىق كوردى. پەتيسيا اۆتورلارى ءبىز قازاقستان اۋماعىنداعى بارلىق كينوتەاترلاردا قازاق تىلىنە دۋبلياجدالعان كينوتۋىندىلاردى حالىققا ىڭعايلى ۋاقىتتا جانە وزگە تىلدە كورسەتىلەتىن فيلمدەردەن كەم ەمەس جيىلىكتە كورسەتىلۋىن تالاپ ەتۋدە.
"قازىرگى ۋاقىتتا كينوتەاترلاردا فيلمدەردىڭ قازاق تىلىنە دۋبلياجدالعان سەانستارى پروكاتتاعى ءفيلمنىڭ 10% جەتپەيدى. سونىمەن قوسا، قازاق تىلىندەگى سەانستار تاڭعى جانە تۇسكى ۋاقىتتاردا عانا كورسەتىلەدى. بۇل ءبىزدىڭ تۇتىنۋشى رەتىندە اقپاراتتى قازاق تىلىندە الۋ قۇقىعىمىزدى بۇزادى.
قازاقستان رەسپۋبليكاسىنىڭ «مادەنيەت تۋرالى» 2006 جىلعى 15 جەلتوقسانداعى N 207 زاڭىنىڭ 28-4 بابىندا بىلاي دەپ جازىلعان: 1. قازاقستان رەسپۋبليكاسىنىڭ اۋماعىندا بارلىق ءفيلمدى پروكاتتاۋ قازاق تىلىندە جانە باسقا دا تىلدەردە جۇزەگە اسىرىلادى. 2. ۇلتتىق فيلمدەردى پروكاتتاۋ قازاق تىلىندە جانە قاجەتتىگىنە قاراي باسقا دا تىلدەردە جۇزەگە اسىرىلۋعا ءتيىس.3. شەتەل تەلەارنالارىنان رەترانسلياسيالانعان فيلمدەردى قوسپاعاندا، پروكاتتاۋ ماقساتىندا قازاقستان رەسپۋبليكاسىنىڭ اۋماعىنا اكەلiنەتiن (جەتكiزiلەتiن) بارلىق فيلمدەرگە 2012 جىلعى 1 قاڭتاردان باستاپ قازاق تiلiندە دۋبلياج جاسالۋعا تيiس.
سوندىقتان كينوتەاترلار قازاق تىلىندەگى فيلمدەردى وزگە تىلدەگى سەانستاردان كەم قويماۋعا جانە پرايم تايمدا كورسەتۋگە مىندەتتەلۋى ءتيىس"، - دەلىنگەن پەتيسيادا.
