ءسان كورسەتىلىمى كەزىندە مودەل ديناگۇل تاسوۆا كوپشىلىكتىڭ سىنىنا ۇشىرادى دەپ جازادى Qamshy.kz اقپارات اگەنتتىگى. ونىڭ اشىق-شاشىق كيىمى جەلىدە قىزۋ تالقىعا ءتۇستى. وسىعان بايلانىستى استانا قالاسى قوعامدىق دامۋ ىستەرى باسقارماسىنىڭ باسشىسى دانيار ەسين ءوزىنىڭ Facebook-پاراقشاسىندا پىكىر ءبىلدىردى.
«بۇل اقپارات كوبىڭىزدىڭ كوڭىلدەرىڭىزدى ءتۇسىرۋى مۇمكىن. ءبىراق ءقازىر جەلىدە تالقىعا تۇسكەن مودەل دەپۋتات ەمەس. ونى الەۋمەتتىك جەلىدە بارلىعى ءماسليحات دەپۋتاتى دەپ تانىستىرىپ جاتىر. بۇل حالىقتىڭ نارازىلىعىن تۋدىردى. «استانا قالالىق جاستار ءماسليحاتى» قوعامدىق قورى ادىلەت ورگاندارىندا تاۋەلسىز كوممەرسيالىق ەمەس ۇيىم بولىپ تابىلادى. استانا قالاسىنىڭ ءماسليحاتىنا جانە جەرگىلىكتى مەملەكەتتىك ورگاندارعا ەشقانداي قاتىسى جوق. سونىمەن بىرگە ديناگۇل تاسوۆانى حالىق تاڭداۋى دەپ تانىپ جاتقاندار كوپ. بۇل قاتە پىكىر»، – دەپ جازدى دانيار ەسين.
