گرۋزيانىڭ جاڭا پرەزيدەنتى ءوز قىزمەتىنە كىرىستى. العاش رەت وسى لاۋازىمعا ايەل كەلدى: ول بۇرىنعى گرۋزيانىڭ سىرتقى ىستەر مينيسترلىگىن باسقارعان تاۋەلسىز كانديدات - سالومە زۋرابيشۆيلي. كەزىندە ول ميحايل سااكاشۆيليدىڭ قارسىلاسى بولدى.

گرۋزيانىڭ ورتالىق سايلاۋ كوميسسياسى داۋىس بەرۋدىڭ قورىتىندىسىن جاريالادى: سالومە زۋرابيشۆيلي پرەزيدەنتتىك سايلاۋدىڭ ەكىنشى تۋرىن جەڭىپ، 59،52% داۋىس جينادى. جاڭا پرەزيدەنتتىڭ سالتاناتتى ءراسىمى 16 جەلتوقسان كۇنى وتەدى. ءبىرىڭعاي ۇلتتىق قوزعالىستىڭ كانديداتى ءزۋرابيشۆيلليدىڭ نەگىزگى قارسىلاسى - گريگول ۆاشادزە 40،48 پايىزدى جينادى. سالومە زۋرابيشۆيلي «گرۋزيا ارمانى» بيلىك پارتياسىنىڭ قولداۋىمەن سايلاۋعا ءتۇستى. ءبىرىنشى كەزەڭدە ول 38،66% داۋىسقا يە بولدى جانە نەگىزگى باسەكەلەس ۆاشادزە جەڭىسكە جەتۋ ءۇشىن بيلەۋشى ​​پارتيا تەڭدەسى جوق قادامدار جاسادى. گرۋزين ۇكىمەتى گرۋزين ازاماتتارىن شاعىن بانك قارىزدارىن كەشىرۋگە جانە الەۋمەتتىك جانە ەكونوميكالىق رەفورمالاردى جۇرگىزۋگە ۋادە بەردى.

زۋراباشۆيلي "گرۋزيانىڭ مۇددەسىن ساتتى" دەپ سااكاشۆيليدى ايىپتادى: ول 2008 جىلى گرۋزيانى سوعىسقا دۋشار ەتتى، ەۋروكوميسسيانىڭ شەشىمىن قولداماي، گرۋزيا تاراپىنىڭ وڭتۇستىك وسەتيا مەن ابحازياعا سوعىس باستاعانىن ۇلكەن قاتە دەپ ايتتى. ءزۋرابيشۆيليدىڭ ايتۋىنشا، سااكاشۆيلي مەن ونىڭ سەرىكتەستەرى رەسەيدىڭ ارانداتۋشىلىق قيمىلىنىڭ قاقپانىنا ءتۇستى جانە بۇل گرۋزين حالقىنا قارسى ۇلكەن قىلمىس بولدى.

زۋرابيشۆيلي 1952 جىلى گرۋزيانىڭ ساياسي يمميگرانتتارىنىڭ وتباسىندا دۇنيەگە كەلدى. پاريجدە ساياسي عىلىمدار ينستيتۋتىن ءبىتىرىپ، اقش-تا وقىدى. ول ديپلوماتيالىق قىزمەتتە كەرەمەت كارەرا جاسادى - كوپ جىلدار بويى اقش، يتاليا، چاددا گرۋزين ەلشىلىگىن باسقاردى، 2003 جىلدان باستاپ فرانسيادا گرۋزيانىڭ ەلشىسى جۇمىس ىستەدى. 2004 جىلى سااكاشۆيليدىڭ شاقىرۋىمەن گرۋزيانىڭ سىرتقى ىستەر مينيسترلىگىن باسقاردى. سول كەزدە فرانسيانىڭ پرەزيدەنتى بولعان جاك شيراك "گرۋزيادا تەك سالومە زۋرابيشۆيلي ەڭ جوعارى كۆاليفيكاسيا ديپلوماتى" دەپ ايتتى.

ءبىر جىلدان كەيىن زۋراباشۆيلي سااكاشۆيليدىڭ ساياساتىن قاتتى سىنادى، سول ءۇشىن سااكاشۆيلي ونى قىزمەتىنەن بوساتتى. سودان بەرى سالومە وپپوزيسيادا بولدى. 2016 جىلى ول گرۋزيا پارلامەنتىنە سايلاندى، ال 2018 جىلدىڭ تامىز ايىندا فرانسۋز ازاماتتىعىن قابىلداماي تاۋەلسىز كانديدات رەتىندە گرۋزيا پرەزيدەنتتىگىنە كانديدات بولۋعا شەشىم قابىلدادى.

شىن مانىندە، زۋرابيشۆيلي  سوڭعى ساياسي قىزمەتتەگى ۋاقىتىن گرۋزيانىڭ ەۋروپا قۇرامىنا وتۋىنە  ارنادى جانە ول گرۋزيا پرەزيدەنتى رەتىندە رەسەيدىڭ مۇددەسىنە ساي ساياساتكەر ەمەس ەكەنىن ءتۇسىنۋ كەرەك.  جاڭا پرەزيدەنتتىڭ ايتۋىنشا، گرۋزيا رەسەيمەن ىنتىماقتاستىققا كوشە المايدى، ويتكەنى  وعان ماسكەۋدىڭ ءوز ساياساتى كىنالى.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوسەنتى، تاريح عىلىمنىڭ كانديداتى