Astana Arlans بوكس كلۋبى رەسمي تۇردە ءوز جۇمىسىن توقتاتتى، - دەپ حابارلايدى Qamshy.kz اقپارات اگەنتتىگى. بۇل تۋرالى بۇگىن ەسەپ بەرۋ كونفەرەنسياسىندا قازاقستان بوكس فەدەراسياسى ۇيىمىنىڭ ۆيسە-پرەزيدەنتى دانيار ءابىلعازين حابارلادى.

«Astana Arlans بوكس كلۋبى تاراتىلادى. بۇل جوبادان شىعۋ تۋرالى شەشىم قابىلدادىق. كەلەسى ماۋسىمنان باستاپ بۇل جارىسقا قاتىسپايمىز»، - دەدى ول جيىن كەزىندە. 

Astana Arlans WSB جوباسىنداعى ەڭ ناتيجەلى كوماندالاردىڭ ءبىرى بولعان. «Astana Arlans» بوكس كلۋبى – دۇنيەجۇزىلىك بوكس سەرياسىنىڭ ءۇش دۇركىن چەمپيونى. كلۋب 2012/13، 2014/15 جانە 2017 جىلدارداعى ماۋسىمدا جەڭىمپاز اتانعان بولاتىن. ەلىمىزدەگى ەڭ مىقتى بوكسشىلار دا وسى جوبا اياسىنداعى جەكپە-جەكتەردە ب ا ق تاجىريبە جيناپ، شەبەرلىگىن شىڭداعان. ايتا كەتەيىك، بۇكىلالەمدىك بوكس سەرياسى (WSB) سوڭعى جىلدارى توقىراپ كەلەدى. كوپ كوماندالار بىرەر ماۋسىم عانا قاتىسىپ، كەيىننەن جارىسقا قاتىسۋدان باس تارتا باستادى.