ايگىلى «مۋزارت» توبىنىڭ بەلدى مۇشەسى، ءانشى ساكەن مايعازييەۆ تەمىربەك جۇرگەنوۆ اتىنداعى ونەر كادەمياسىنىڭ پرورەكتورى بولىپ تاعايىندالدى. بۇل تۋرالى ءانشى مەيرامبەك بەسبايەۆ ينستاگرام جەلىسىندەگى پاراقشاسىندا حابارلادى.
«ت.جۇرگەنوۆ اتىنداعى ونەر اكادەمياسىنىڭ پرورەكتورى ساكەن مايعازييەۆ. دۇرىس بولدى. ساكەننىڭ قولىنان كەلەتىن ءىس. ابىرويىڭ ارتا بەرسىن»، – دەپ جازدى مەيرامبەك ءانشى.
«بۇگىن ءبىزدىڭ اكادەميانىڭ وقىتۋشىلىق-پروفەسسورلىق قۇرامىنا جاڭا پرورەكتورىمدى تانىستىردىم. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق جۇمىستار جانە xالىقارالىق بايلانىستار جونىندەگى پرورەكتورى بولىپ قازاقستاننىڭ ەڭبەك سىڭىرگەن قايراتكەرى ساكەن مايعازييەۆ تاعايىندالدى. ەلىمىزدىڭ مادەني كەڭىستىگىندە ءوز ورنى، ءوز جولى بار تۇلعا، كاسىبي ونەر شەبەرى رەتىندە ساكەن قورداباي ۇلى جاڭا قىزمەتتە ابىروي بيىگىنەن كورىنىپ، عىلىمي-شىعارماشىلىق سالادا سان اسۋلاردى باعىندىراتىنىنا سەنەمىن! ءبىزدىڭ مەملەكەتىمىزدە قاراپايىم ازاماتتارعا تالانت، كاسىبيلىك، شەبەرلىك، ەڭبەكقورلىق، تىنباي ىزدەنىستىڭ ارقاسىندا بيىك بەلەستەردى باعىندىرۋعا بولاتىنىنا ساكەن مايعازييەۆتىڭ ءومىر مەن ونەر جولى — جارقىن ۇلگى. ۇلكەن وتباسىنىڭ توعىزىنشى پەرزەنتى ونەر الەمىندەگى بارلىق اسۋلاردى ءوزىنىڭ ماقساتشىلدىعى مەن ەڭبەكقورلىعى ارقىلى باعىندىردى. ءبىلىم الۋ جولىندا — كوللەدج، اكادەميادا باكالاۆر، ماگيستراتۋرا، دوكتورانتۋرا سەكىلدى باسپالداقتاردان ءوتتى. سوناۋ توقسانىنشى جىلداردىڭ ورتاسىندا «ءمولدىر مونشاقتار» دەپ ءان اۋەلەتكەن ونەرگە عاشىق، مولدىرلىك پەن تازالىققا جانى ىڭكار جاس تالانت ساكەن مەن قازاقستاننىڭ ايتۋلى قايراتكەر ازاماتى ساكەن مايعازييەۆتىڭ اراسىندا جيىرما جىلدان استام ۋاقىت توگىلگەن ماڭداي تەر، تىنىمسىز جۇمىس، ىزدەنىس، كاسىبي شەبەرلىكتىڭ ءىزى جاتىر. اكەنىڭ اماناتىنا ادال ۇل، انانىڭ اياۋلى پەرزەنتى رەتىندە ساكەن قورداباي ۇلى — تەك ءبىر اۋلەتتىڭ عانا ەمەس، ەل ماقتانىشىنا اينالعان ازامات! ءوزى دە ونەگەلى وتباسىنىڭ يەسى. ساكەن — ءارقاشان دا مارتەبەڭ ۇستەم بولسىن!»، – دەدى ونەر اكادەمياسىنىڭ جاڭا رەكتورى اسحات ماەميروۆ فەيسبۋك پاراقشاسىندا.
