«نۇر وتان» پارتياسى قازاقستانداعى مەكتەپ اسحانالارىن مودەرنيزاسيالاۋ بويىنشا بارلىق جۇمىستى ۇيلەستىرۋ ورتالىعى رەتىندە ارەكەت ەتەدى. پارتيا مۇشەلەرى بۇل جولى مەكتەپ وقۋشىلارىنىڭ تاماقتانۋ ۇردىسىنە ءمان بەردى. ولاردىڭ دۇرىس تاماقتانۋىنا، سالاۋاتتى ءومىر سۇرۋىنە ىقپال ەتۋدى ماقسات ەتىپ وتىر.

پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ وسى سالاداعى جۇمىستىڭ نەگىزگى باعىتتارى تۋرالى اڭگىمەلەپ بەردى.

جاڭا باستامانى تالقىلاۋ ءۇشىن پارتيا مۇشەلەرى اتا-انالار كوميتەتتەرى وكىلدەرىن، بيزنەس قاۋىمداستىعىن، ۇكىمەتتىك ەمەس ۇيىمدار مەن مەملەكەتتىك ورگانداردىڭ وكىلدەرىن شاقىردى. كەزدەسۋدى اشقان ماۋلەن اشىمبايەۆ ماماندار ايتقان اقپاراتپەن تانىستىردى. مالىمەتكە سايكەس، مەكتەپ وقۋشىلارىنىڭ كوبى اسقازان-ىشەك اۋرۋلارىنا شالىققان ەكەن. قازاقستاندا 14 جاسقا دەيىنگى بالالاردىڭ 21 پايىزى ارتىق سالماقتان جاپا شەگۋدە. مۇنىڭ ءبارى وقۋ ورتالىقتارىنداعى ساپاسىز تاماقتانۋدىڭ كەسىرىنەن.

«سوڭعى كۇندەرى الەۋمەتتىك جەلى مەن ب ا ق وكىلدەرى بۇل ماسەلەنى ءجيى كوتەرىپ ءجۇر. اسىرەسە اتا-انالار اراسىندا ءجيى ايتىلادى. ءبىزدىڭ پارتيا بۇل ماسەلەنى شەشۋگە بەلسەنە كىرىستى. ءبىز ءبىرىنشى كەزەكتە قانداي ارەكەتكە بارۋىمىز كەرەك؟ بۇعان قاتىستى مىندەتىمىزدى بىرنەشە كەزەڭگە بولدىك»،  - دەدى ماۋلەن اشىمبايەۆ.

العاشقى كەزەڭ تاماقتىڭ ساپاسىنا قاتىستى. كوبىنە مەكتەپ اسحانالارىنىڭ تاعامدارى جۇتاڭ، اسحانادا ۇن ونىمدەرى مەن قانت مولشەرى كوپ تاعامدار ساتىلادى. ال دەنساۋلىق ساقتاۋ مينيسترلىگى مەن تاماقتانۋ اكادەمياسى دايىنداعان ستاندارتقا سايكەس تاعام ونىمدەرىن پايدالانۋ جاي عانا قاعاز جۇزىندە قالىپ قويدى. پارتيالىقتار ءوز كەزەگىندە مينيسترلىك تاراپىنان دايىندالعان ستاندارتتاردى مىندەتتەۋدى قولعا الدى.

جوبانىڭ ەكىنشى باعىتى – ءونىمنىڭ ساپاسى مەن سانيتارلىق نورماسىن باقىلاۋ. مۇنداعى نازار اۋدارارلىق تاعى ءبىر ماسەلە – «مەيىرىمنەن جۇرداي» تاپسىرىستى جەتكىزۋشىلەر. پارتيالىقتاردىڭ دەرەگىنە سۇيەنسەك، قازىرگى ۋاقىتتا بۇدان بۇرىن ءبىلىم بەرۋ مەكەمەلەرىندە تاماقتانۋ ەرەجەلەرىن بۇزعان اسحانا كاسىپكەرلەرىن جالعا الۋ فاكتىلەرى انىقتالدى. بۇل دەگەنىمىز مەملەكەتتىك ورگاندار  تاراپىنان باقىلاۋدىڭ جوقتىعىن ءارى ەسەپكە الىنبايتىندىعىن بىلدىرەدى.

ءۇشىنشى باعىتقا سايكەس، قازاقستاننىڭ بەس وبلىسىندا مەكتەپ وقۋشىلارىن تاماقتاندىرۋ ماسەلەلەرىنە كوڭىل بولمەيتىن مەكتەپتەردىڭ بارىن ەسكەرىپ، سولارمەن جۇمىس جاساۋ. ەلدە ءدال سونداي 538 ءبىلىم بەرۋ ورتالىعى بار.

تورتىنشىدەن، تاماقتانۋ مادەنيەتىنە كوڭىل بولىنەدى. تەك مەكتەپتەردە ەمەس، قوعامدىق ورتالىقتاردا دا بۇل ماسەلەنى ەسەپكە الۋ ەسكەرىلدى.

ءار باعىت بويىنشا 1 باعىت بويىنشا جۇمىستار اتقارىلادى دەپ جوسپارلانىپ وتىر. وسىدان كەيىن «مەكتەپ اسحانالارى» جوباسىنىڭ كونسەپسياسى اشىق تۇردە جارىق كورەدى، ال ونى جۇزەگە اسىرۋ پيلوتتىق رەجىمدە ورىندالماق.

ايتا كەتەيىك، بۇدان بۇرىن ماۋلەن اشىمبايەۆ ءوزىنىڭ Facebook-تەگى پاراقشاسىندا مەكتەپ اسحانالارىنداعى تاماقتانۋ ماسەلەسىن كوتەرىپ جازعان بولاتىن.