استانا قالاسىندا ق ر مادەنيەت جانە سپورت مينيسترلىگىنىڭ ۇيىمداستىرۋىمەن ەلوردامىزدىڭ 20 جىلدىعىنا جانە تاۋەلسىزدىك مەرەكەسىنە ارنالعان «استانام، سەنسىڭ ايبارىم» اتتى رەسپۋبليكالىق اقىندار ايتىسى وتەدى دەپ جازادى Qamshy.kz اقپارات اگەنتتىگى. 

بيىل 7ء-شى رەت وتەتىن "التىن دومبىرا" ايتىسىنا جىل بويى وتكەن دودالاردىڭ جەڭىمپازدارى ايبەك قالييەۆ، رينات زايتوۆ، رۇستەم قايىرتاي ۇلى، مۇحتار نيازوۆ، اسپانبەك شۇعاتايەۆ، ەركەبۇلان قاينازاروۆ، جانسايا مۋسينا، مەيىربەك سۇلتانحان، اسەم ەرەجە قىزى، ماقسات اقانوۆ، بولاتبەك ورازبايەۆ، ديدار قامييەۆ، تولەگەن جامانوۆ، تىلەگەن ءادىلوۆ، نۇرمات مانسۋروۆ، شالقارباي ءىزباساروۆ، قازىرەت بەردىحان، سىرىم ادىلبەك، سەرىك قۋانعان قاتارلى ازۋلى اقىندار قاتىسادى.

جىر جارمەڭكەسىن «ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ» باسقارما ءتوراعاسى ءجۇرسىن ەرمان جۇرگىزەدى.

ايتىس: استانا قالاسىندا 16-17 جەلتوقسان كۇندەرى «قازاقستان ورتالىق كونسەرت» زالىندا وتەدى.
ەكى كۇندە دە باستالۋى ساعات 15:00-دە
بيلەتتەر: «قازاقستان ورتالىق كونسەرت» زالىنىڭ كاسساسىندا جانە كاسسير.كز سايتىندا ساتىلادى.
بايلانىس تەلەفوندارى: +7 7172 705 8566، +7 707 346 3466