مەملەكەتتىڭ دەنساۋلىق ساقتاۋ ساياساتى ەل ازاماتتارىنىڭ ساۋ ءارى ۇزاق ءومىر سۇرۋىنە باعىتتالعان. ءولىم-جىتىم كورسەتكىشىن تومەندەتۋ، انا مەن بالانىڭ دەنساۋلىعىن جاقسارتۋ، ەڭبەككە جارامدى ازاماتتاردىڭ سانىن ۇلعايتۋ –وتاندىق مەديسينانىڭ باستى مىندەتى سانالادى. دامىعان 30 ەلدىڭ قاتارىنان كورىنۋ ءۇشىن جIءو كورسەتكىشتەرىن كوتەرىپ قانا قويماي، حالىقتىڭ دەنىن ساۋ ەتۋ – مىقتى مەملەكەتكە ءتان داعدى. قازاقستاننىڭ مەديسيناسى دا جىل وتكەن سايىن جاندانىپ، زاماناۋي تالاپتارعا ساي بولۋعا تىرىسىپ باعۋدا. بۇل پروگرەستەرگە جەتۋ ءۇشىن ءبىرقاتار جوسپارلار مەن جوبالار جۇزەگە اسىپ تا جاتىر. سونىڭ ءبىرى – «سيفرلىق قازاقستان» مەملەكەتتىك باعدارلاماسى.
دەنساۋلىق ساقتاۋ سالاسىندا سيفرلىق تەحنولوگيالاردى قولدانۋ نەگىزگى ماسەلەلەردى شەشە الاتىنى تۋرالى باعدارلامادا جازىلعان. ياعني، مەديسينالىق كومەكتىڭ قولجەتىمدىلىگى مەن ساپاسى، سونداي-اق اۋرۋلاردىڭ الدىن الۋ ماسەلەلەرى شەشىلەدى. «دەنساۋلىق ساقتاۋدى سيفرلاندىرۋ مەديسينالىق قاتەلىكتەردىڭ سانىن تومەندەتۋگە، قىزمەت كورسەتۋدىڭ ساپاسى مەن جىلدامدىعىن، سونداي-اق باسقارۋشىلىق شەشىمدەردى قابىلداۋ ساپاسىن ارتتىرۋعا مۇمكىندىك بەرەدى»، – دەلىنگەن اتالمىش باعدارلامادا.
بۇعان قوسا، سيفرلىق جاڭاشىلدىقتار ەڭبەك ونىمدىلىگىن ارتتىرۋعا، حالىققا كورسەتىلەتىن قىزمەت ساپاسىن جاقسارتۋعا باعىتتالىپ وتىر. بۇل ءوز كەزەگىندە پاسيەنتتەر مەن دارىگەرلەردىڭ ۋاقىتىن 50 پايىزعا دەيىن ۇنەمدەپ، دارىگەرگە بارۋدى 2 ەسەگە قىسقارتادى. ەڭ باستىسى – دياگنوز قورىتىندىلارى ۋاقتىلى شىعادى. بۇل بۇعان دەيىن وسى سالاداعى تۇيتكىلدى پروبلەمالاردىڭ ءبىرى سانالعان ەدى. سونىمەن قاتار، ەلەكتروندى كەزەكتىڭ ارقاسىندا كەزەك كۇتۋ ۋاقىتى 30 پايىزعا ازايماق. مۇنىڭ ناتيجەسى ءتۇرلى شيەلەنىستەر مەن كوپتەگەن جايسىزدىقتاردى بولدىرماۋىمەن كورىنەدى.
اتالعان ماسەلەلەرگە بايلانىستى حالىقتىڭ سيفرلىق ساۋاتتىلىعىن ارتتىرۋ ماڭىزدى. وسى ورايدا، ماڭعىستاۋداعى دەنساۋلىق ساقتاۋ ۇيىمدارىنىڭ باستاماسىمەن سيفرلىق ساۋاتتىلىقتى ۇيرەتەتىن 29 ورىن ازىرلەنگەن. بۇل 2018 جىلدىڭ 1ء-شى ساۋىرىنەن قولعا الىنىپ، بۇگىندە 321 مىڭنان استام ادام مەديسينالىق سيفرلىق ساۋاتتىلىق كۋرسىنان وتكەن.
ماڭعىستاۋ وبلىسىندا سيفرلاندىرۋ جۇمىستارىنا سايكەس، مىناداي جۇمىستار اتقارىلۋدا: دەنساۋلىق ساقتاۋ مەكەمەلەرىنىڭ 89-ى ينتەرنەتپەن قامتاماسىز ەتىلگەن؛ 2612 جۇمىس ورنىنىڭ 98 پايىزى كومپيۋتەرمەن جابدىقتالعان؛ 34 دەنساۋلىق ساقتاۋ ورتالىعى مەديسينالىق اقپاراتتىق جۇيەمەن 100 پايىز قامتىلعان. ونىڭ ىشىندەگى 29 دەنساۋلىق ساقتاۋ مەكەمەسى قاعازدان باس تارتىپ، ەلەكتروندىق قۇجات اينالىمىنا كوشكەن. تاعى دا ايتا كەتەرلىك جايت، وڭىردە مەديسالىق قىزمەت ۇسىناتىن ءموبيلدى باعدارلامالار دا جاقسى جۇمىس ىستەۋدە. ستاتيستيكا بويىنشا 115 مىڭنان استام ادام ءموبيلدى قوسىمشاعا تىركەلىپتى. ەلەكتروندى دەنساۋلىق پاسپورتىنا دا كوشۋ پروسەدۋراسى جوعارى ساتىدا تۇر. ياعني، حالىقتىڭ 94 پايىزى ەلەكتروندىق مەديسينالىق تولقۇجاتپەن قامتاماسىز ەتىلگەن. ال اقپاراتتىق جۇيەلەردىڭ قىزمەتىن 1 623 320 ادام پايدالانعان.
ەستەرىڭىزگە سالا كەتسەك، «سيفرلىق قازاقستان» باعدارلاماسىندا دەنساۋلىق ساقتاۋدى سيفرلاندىرۋدىڭ باستى ماقساتى رەتىندە دەنساۋلىق ساقتاۋ جۇيەسىنىڭ تيىمدىلىگىن ارتتىرۋ، مەديسينالىق كومەكتىڭ ساپاسى مەن قولجەتىمدىلىگىن ارتتىرۋ، مەديسينالىق قاتەلىكتەردىڭ سانىن ازايتۋ، ورتاسىندا ەمدەلۋشى مەن ونىڭ دەنساۋلىعى تۋرالى اقپارات تۇراتىن جۇيەنى قۇرۋ بەلگىلەنگەن.
