بريتاندىق ساراپشىلار قازاقستانداعى ينفراقۇرىلىمنىڭ دامۋى تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى. 

بريتاندىق ساراپشىلار قازاقستان پرەزيدەنتىنىڭ جولداۋىندا ايتىلعان ايماقتىق جانە قالالىق ينفراقۇرىلىمنىڭ دامۋىنا تۇسىنىكتەمە بەردى.

ۇلىبريتانيانىڭ كورولدىق قورعانىس زەرتتەۋلەر ينستيتۋتىنىڭ ساراپشىسى رافاەللو پانتوكسي ەلىمىزدىڭ اۋماقتىق دامۋىنا جاڭا تاسىلدەردى ەنگىزۋدى قامتاماسىز ەتۋ قاجەت دەپ سانايدى.

2015 جىلدان باستاپ «نۇرلى جول» باعدارلاماسى بويىنشا رەسپۋبليكالىق ماڭىزى بار 2400 كم جول سالىندى جانە قايتا قۇرىلدى.

مۇنىڭ بارلىعى قازاقستاننىڭ تابىستارى مەن ءومىر ساپاسىنىڭ تۇراقتى وسۋىنە ىقپال ەتە الاتىنىنا سەنىمدى ساراپشى.

كورولدىك قورعانىس زەرتتەۋلەر ينستيتۋتىنىڭ ساراپشىسى رافاەللو پانتوكسي بىلاي پىكىر ءبىلدىردى.

— مىقتى ەكونوميكانى قۇرۋ ءۇشىن كەز-كەلگەن مەملەكەتكە قاجەت ينفراقۇرىلىم قاجەت. ورتالىق ازيادا، اتاپ ايتقاندا قازاقستاندا ءقازىر نەنى كورۋگە بولادى؟ جاڭا جىبەك جولى ءسىزدىڭ ەلىڭىز ارقىلى وتەدى. قازاقستان - رەسەي، جۇڭگو جانە باسقا ەلدەر اراسىنداعى بايلانىس. ەڭ باستىسى، بۇل قارىم-قاتىناس قازاقستان حالقىنا پايدا اكەلەدى. ءىرى كاسىپورىندار، ورتا جانە شاعىن بيزنەس جاڭا ينفراقۇرىلىمنان پايدا تابادى. جاڭا جۇمىس ورىندارى اشىلادى.