ماڭعىستاۋ وبلىسى اكىمدىگىندە وتكەن اپپاراتتىق جيىندا تۇرعىن ۇي-كوممۋنالدىق شارۋاشىلىعى سالاسىن سيفرلاندىرۋ تۋرالى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى جاندوس ءسالىموۆ وسىلاي دەدى.

تۇرعىن ۇي-كوممۋنالدىق سالانى سيفرلاندىرۋ بويىنشا جول كارتاسىنا سايكەس تۇكش-تىڭ سيفرلانعان مالىمەتتەرىن «ە-شاڭىراق» اقپاراتتىق جۇيەسىنە 2022 جىلعا دەيىن ەنگىزۋ مىندەتى قويىلعان. اقتاۋدا وسى اقپاراتتىق جۇيەگە 73 ءۇي قوسىلعان. 2022 جىلدىڭ سوڭىنا دەيىن بارلىعى 1621 ءۇيدى قوسۋ جوسپاردا.

«مالىمەتتەردى اقپاراتتىق جۇيەگە ونلاين رەجيمدە بەرە الاتىن 1689 ۇيگە ورتاق ەسەپتەۋ قۇرالى ورناتىلدى. ەسەپتەۋ قۇرالدارىن ورناتۋ تۇرعىندارعا 156،1 ملن. تەڭگەگە دەيىن، ال كاسىپورىندارعا 8،34 مىڭ گكال جىلۋ ۇنەمدەۋگە مۇمكىندىك بەرەدى. اقتاۋ قالاسىنىڭ كوپ پاتەرلى تۇرعىن ۇيلەرىنە ەلەكتروندى پاسپورتتار ازىرلەۋ جوباسىنا - 19،2 ملن تەڭگە ءبولىنىپ، ناتيجەسىندە 100 تۇرعىن ءۇيدىڭ ەلەكتروندىق پاسپورتتارى ازىرلەندى. سونىمەن قاتار ءاربىر تۇرعىن ۇيگە QR-code تاقتايشالارىن ورناتۋ جۇمىستارى جۇرگىزىلۋدە. ول ارقىلى باسقارۋشى كومپانيا تۋرالى، ديسپەچەرلىك قىزمەتتىڭ بايلانىس تەلەفوندارى، ەلەكتريك، سلەسار، قولداۋ پۋنكتى، ءۇي تۋرالى تولىق اقپاراتتى الۋعا مۇمكىندىك بەرەدى»، - دەدى جاندوس ءسالىموۆ.

ال وڭىردەگى اگروونەركاسىپتىك كەشەندى دامىتۋدىڭ 2017-2020 جىلدارعا ارنالعان مەملەكەتتىك باعدارلاماسىن ىسكە اسىرۋ بارىسى تۋرالى اۋىل شارۋاشىلىعى باسقارماسىنىڭ باسشىسى سەرىك قالدىعۇل باياندادى.

ونىڭ ايتۋىنشا، مەملەكەتتىك باعدارلاماسىن ىسكە اسىرۋ ءۇشىن رەسپۋبليكالىق بيۋدجەتتەن 2018 جىلعا 1 244 089 ملن.تەڭگە بولىنگەن. ونىڭ ىشىندە 821 837 200،0 تەڭگە «اۋىل شارۋاشىلىعىن قارجىلاي قولداۋ قورى» اق-نا جانە 422 251 800،0 تەڭگە «اگرارلىق نەسيە كورپوراسياسى» اق-نا قاراستىرىلعان. بۇگىنگى كۇنى بولىنگەن قاراجاتتىڭ 95% يگەرىلىپتى.

سونىمەن قاتار «باستاۋ بيزنەس» باعدارلاماسى اياسىندا 1056 ادام وقىپ، سەرتيفيكاتقا يە بولعان.

«قازىرگى ۋاقىتتا اۋىل شارۋاشىلىعىنىڭ جالپى ءونىمىنىڭ كولەمى 12 996،2 ملن.تەڭگەنى قۇرايدى. 2018 جىلى مال باسى 8% ارتىپ، 564 911-گە جەتتى. جالپى ەگىس كولەمى-1118،5 گەكتار. 800 گا جەرگە كوكونىس جانە باقشا داقىلدارى ءۇشىن تامشىلاتىپ سۋارۋ جۇيەسى ەنگىزىلدى».