ورتالىق كوممۋنيكاسيالار قىزمەتىندە ماڭعىستاۋ وبلىسىنىڭ اكىمى ەرالى توعجانوۆ ايماقتىڭ الەۋمەتتىك-ەكونوميكالىق دامۋىنىڭ نەگىزگى ناتيجەلەرى تۋرالى، ەلباسىنىڭ جولداۋىن ىسكە اسىرۋ جانە بەس الەۋمەتتىك باستاماسى بويىنشا جۇمىستاردىڭ ناتيجەلەرىنە جايىندا باياندادى.
ىشكى وڭىرلىك ءونىم وتكەن جىلمەن سالىستىرعاندا 98،6%-تەن 103،4%-كە دەيىن ءوستى، ونەركاسىپ ءونىمىنىڭ كولەمى - 101،1%-دى قۇرادى، بۇل رەسپۋبليكادا وندىرىلگەن ءونىمنىڭ 11%-ىن قۇرايدى. وڭىردە ونەركاسىپ سالاسىنىڭ تۇراقتى ءوسۋ دەڭگەيى ساقتالىپ، يندۋسترياليزاسيا كارتاسى ىسكە قوسىلعاننان بەرى اتالعان سەكتوردىڭ جالپى وندىرىستەگى ۇلەسى 4% -دان 8% -عا دەيىن ءوستى. ەسەپتى كەزەڭدە ءوندىرۋ كولەمى 111،4%ء-تى (195 ملرد.تەڭگە) قۇرادى.
«وڭدەۋ ونەركاسىبىنىڭ كولەمىن ۇلعايتۋدىڭ بىردەن-بىر جولى – جەرگىلىكتى قامتۋدى دامىتۋ. نەگىزگى رەزەرۆ – وڭىردەگى مۇناي كومپانيالارىنىڭ ساتىپ الۋلارى. مىسالى، 2017 جىلى وبلىستا مۇناي كومپانيالارى 1،7 ترلن. تەڭگەگە جۇرگىزىلگەن ساتىپ الۋلاردىڭ 30%ء-تىن نەمەسە 500 ملرد. تەڭگەنىڭ تاۋارلارىن سىرتتان ساتىپ الدى. وسى باعىتتا ءبىرىنشى «پيلوت» – «وزەنمۇنايگاز» كومپانياسى ءۇشىن رەسەي وندىرۋشىلەرىمەن بىرلەسكەن مۇناي ناسوستارىن شىعارۋ جوباسى. سەح «اقتاۋ تەڭىز پورتى» ارنايى ەكونوميكالىق ايماعىندا سالىنادى، قۇرىلىسقا تارتىلاتىن ينۆەستيسيا كولەمى 500 ملن.تەڭگە»- دەدى وبلىس اكىمى ەرالى توعجانوۆ.
جالپى، نەگىزگى كاپيتالعا سالىنعان ينۆەستيسيا كولەمى 2018 جىلى 81،7% -دان 107،2% -عا (417 ملرد. تەڭگەگە) دەيىن ءوستى. جالپى وبلىستىڭ ينۆەستيسيا پورتفەلىندە جالپى قۇنى 266 ملرد. تەڭگە بولاتىن 81 جوبا جۇزەگە اسىرىلۋدا.
ءتۇرعىن-ۇي قۇرىلىسى بويىنشا جىلدىق جوسپار ارتىعىمەن ورىندالدى. (جوسپار - 916مىڭ شارشى مەتر) بۇگىندە 945 مىڭ شارشى مەتر ءتۇرعىن-ۇي پايدالانۋعا بەرىلدى، ءوسىم 139،7%. جىلدىڭ سوڭىنا دەيىن 1 ملن. شارشى مەتر تۇرعىن ءۇي تاپسىرىلادى.
«وبلىستا «7-20-25»باعدارلاماسىنىڭ شەڭبەرىندە وبلىس ورتالىعىندا 22 جەكە قۇرىلىس كومپانيالارى 2300 پاتەرلىك 15 تۇرعىن ءۇي كەشەنىنىڭ قۇرىلىستارىن جۇرگىزۋدە. ەكىنشى دەڭگەيلى بانكتەر 371 ءوتىنىمدى قاراپ، 1،9 ملرد. تەڭگەگە 235 نەسيەنى ماقۇلدادى. جىل سوڭىنا دەيىن «7-20-25» باعدارلاماسى بويىنشا 500 پاتەر تاپسىرىلادى»، - دەدى ءوڭىر باسشىسى ەرالى توعجانوۆ.
پىكىر قالدىرۋ