الماتى قالاسى وڭىرلىك كوممۋنيكاسيالار قىزمەتى الاڭىندا - الماتى قالاسى  بوستاندىق  اۋدانىنىڭ اكىمى راحيمبەتوۆ التاي ەرعازى ۇلىنىڭ قاتىسۋىمەن باسپا ءسوز كونفەرەنسياسى ءوتتى.

بوستاندىق اۋدانىنىڭ اۋماعى 9 مىڭ. 943، 2 گەكتار. تۇرعىنداردىڭ سانى – 336 481 ادام.

ا.ج. قاڭتار-قازان ايلارى ارالىعىندا مەملەكەتتىك قازىناعا سالىق تولەمدەرىنەن 298،4 ملرد. تەڭگە قاراجات ءتۇستى. ونىڭ ىشىندە 202،4 ملرد. تەڭگە مەملەكەتتىك بيۋدجەت، 96،5 ملرد. تەڭگە جەرگىلىكتى بيۋدجەت.   

قازىرگى تاڭدا اۋدان اۋماعىندا 10 استام ءىرى جانە ورتا وندىرىستىك كاسىپورىندار جۇمىس ىستەيدى. 2018 جىلدىڭ 10 اي ىشىندە وندىرىستىك ءونىم كولەمى 67،1 ملرد. تەڭگەنى قۇراسا، جەكە يندەكس كولەمى 103،5% جەتتى.  

نەگىزگى كاپيتالعا تارتىلعان ينۆەستيسيا كولەمى 145،1 ملرد. تەڭگە. بىلتىرعى كورسەتكىشپەن سالىستىرعاندا 28،7 ملرد. تەڭگەگە ءوسىم بايقالادى.  

بولشەك ساۋدا اينالىمى 323،3 ملرد. تەڭگەگە جەتسە، كوتەرمە ساۋدا اينالىمى  1524،8 ملرد. تەڭگەنى قۇرادى.

بۇگىنگى تاڭدا اۋداندا 28 204 كاسىپورىندار تىركەلگەن بولسا، ولاردىڭ تەك 14 933 تۇراقتى جۇمىس ىستەۋدە.

«بيزنەستىڭ جول كارتاسى 2020» مەملەكەتتىك باعدارلاماسى اياسىندا اۋدانداعى 8 كاسىپورىندا 4،7 ملرد. تەڭگەنىڭ جوبالارى ىسكە اسىرىلىپ جاتىر. ونىڭ ىشىندە 833،3 ملن. تەڭگە سۋبسيديا ەسەبىنەن بولىنگەن.

2015-20109 جىلدارعا ارنالعان كاسىپكەرلىكتى قولداۋ ايماقتىق كارتاسىنا جالپى سوماسى 2،5 ملرد. تەڭگە قاراجاتتى قۇرايتىن 4 جوبا ىسكە اسىرىلۋدا. ناتيجەسىندە 198 جاڭا جۇمىس ورىندارى اشىلدى.   

ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا جالپى ساموسى 534 887 000 تەڭگەنى قۇرايتىن 34 ميكروكرەديت ۇسىنىلدى. 4 جوبا ماقۇلداندى.  

ەسەپتىك كەزەڭ بارىسىندا 3741 جاڭا جۇمىس ورىندارى اشىلدى.

اۋداندىق ىشكى ىستەر باسقارماسىمەن بىرلەسىپ رۇقسات ەتىلمەگەن جەردە ساۋدامەن اينالىسقانى ءۇشىن 1079 حاتتاما تولتىرىلىپ، 166 زاڭسىز دۇڭگىرشەكتەر بۇزىلدى.

اۋدان اۋماعىندا بارلىعى 1 770 كوپقاباتتى تۇرعىن ءۇي ورنالاسقان. ولارعا «الماتى جىلاۋ جۇيەسى»، «الماتى سۋ»، «رەس-2»، «رەس-5»، «اجك» جانە 120 پيك قىزمەت كورسەتەدى.

2018 جىلدىڭ 10 ايىندا 231 144 م2 تۇرعىن ءۇي پايدالانۋعا بەرىلدى: 144 646 م2 – كوپقاباتتى تۇرعىن ءۇي، 86 498 م2 – جەكە تۇرعىن ۇيلەر. تۇرعىن ءۇي قۇرىلىسىنا سالىنعان ينۆەستيسيا كولەمى 38 308،3 ملرد. تەڭگە.

ءتۇرعىن-ۇي قورىن دۇرىس كۇتىپ ۇستاۋ ماقساتىندا اۋداندا ورنالاسقان 130 اۋلاعا كۇردەلى جوندەۋ جۇمىستارى جۇرگىزىلدى.

بيىل ۇزىندىعى 34،7 كم 40 كوشەگە اسفالت جوندەۋ جۇمىستارى جۇرگىزىلدى. 

اعىمداعى جىلدىڭ 10 ايىنىڭ قورىتىندىسى بويىنشا قىلمىس سانىنىڭ تومەندەگەنى بايقالادى. ەسەپتىك كەزەڭدە جالپى سانى 7868 قىلمىس تىركەلسە، بىلتىر بۇل كورسەتكىش 8204 بولاتىن.

«قارتتار ايلىعى» اياسىندا 4230 زەينەتكەر قامتىلدى. «مەكتەپكە جول» اكسياسى اياسىندا 1471 بالا قامتىلىپ، 19 ملن. 448 مىڭ تەڭگەگە كومەك كورسەتىلدى.

جۇمىسسىزدىق دەڭگەيى – 5،3 %. جۇمىسپەن قامتۋ ورتالىعى ارقىلى جۇمىسسىزدىقتان الەۋمەتتىك قورعاۋمەن 2977 ادام قامتىلىپ، ونىڭ  2124 جۇمىسپەن قامتىلدى.