جىل سايىنعى «Almaty Invest» حالىقارالىق ينۆەستيسيالىق فورۋمى 29 قاراشا كۇنى Ritz Carlton Almaty قوناقۇيىندە وتەدى. بۇل فورۋمنىڭ ەرەكشەلىگى – باعدارلاما تولىعىمەن كاسىپكەرلەر مەن ينۆەستورلاردىڭ ۇسىنىستارى بويىنشا ازىرلەندى. باعدارلاما وتكەن جىلى شاراعا قاتىسقان 1000 دەلەگات پەن ينۆەستورلار كەڭەسى مۇشەلەرى اراسىندا جۇرگىزىلگەن ساۋالنامادان كەيىن دايىندالدى.

ءسويتىپ، كاسىپكەرلەردىڭ قالاۋى بويىنشا فورۋمنىڭ باعدارلاماسىنا جاڭا ەكى ترەك قوسىلدى:

1. ينۆەستورلاردى ىزدەستىرۋدە پەرسپەكتيۆالىق جوبالاردى ۇسىنۋ؛
2. حالىقارالىق قارجى ينستيتۋتتارىنان قارجى قۇرالدارى بويىنشا جانە مەملەكەتتىك ورگانداردىڭ قولداۋ شارالارى بويىنشا سەمينارلار

فورۋم بارىسىندا فرانچايزينگتىك جوبالاردىڭ جارمەڭكەسى وتەدى، وندا بارلىق مۇددەلى كاسىپكەرلەر «دايىن بيزنەس» فورماتىنداعى جوبالارمەن تانىسا الادى. ۇسىنىلعان فرانچايزينگتىڭ ىشىندە: «Serebroff» زەرگەرلىك سالوندارى جەلىسى، «موسيگرا» ۇستەل ويىن دۇكەندەرىنىڭ جەلىسى، «قازپوچتا» اق بولشەك ساۋدا نۇكتەلەرى، «بىزبەن بىرگە جولعا شىق!» تۋريستىك اگەنتتىكتەر جەلىسى جانە ءارتۇرلى سالالارداعى 20-عا جۋىق جۇمىس ىستەيتىن كومپانيالار بار. قازاقستاننىڭ ءارتۇرلى وڭىرلەرىندە 30% -دان 50% -عا دەيىنگى شەكتەۋلىگى بار ەڭ تابىستى «وليمپ» كلينيكالىق-دياگنوستيكالىق زەرتحانالىق جەلىسى. بەرىلگەن فرانچايزالاردىڭ ورتاشا وتەلۋ مەرزىمى - 6-12 اي، تابىستىلىعى 20%.

بۇدان باسقا، فورۋم اياسىندا يننوۆاسيالىق ستارتاپتاردىڭ كورمەسى، سونداي-اق كرەمنيي دالاسىنىڭ يننوۆاتورلارى مەن ينۆەستورلارىنان ماستەر كلاستار بولاتىن Almaty Innovation Festival وتەدى. ولاردىڭ ىشىندە BootUp اكسەلەراتورىنىڭ نەگىزىن سالۋشى مۋكۋل اگارۆال جانە Mohr Davidow Ventures نەگىزىن قالاۋشى بولادى.

فورۋمعا DHL، Falcon Euro Bus، Eksen Group جانە باسقا دا حالىقارالىق كومپانيالاردىڭ ينۆەستورلارى قاتىسادى دەپ جوسپارلانۋدا.

فورۋمنىڭ ۇيىمداستىرۋشىسى – الماتى قالاسىنىڭ اكىمدىگى. «Almaty Invest» كومپانياسى الاڭىندا جىل سايىن 500-گە جۋىق قاتىسۋشىلار باس قوسادى. ونىڭ ىشىندە بەدەلدى ساياساتكەرلەر، الەمدىك جانە قازاقستاندىق بيزنەس كوشباسشىلار، ينۆەستيسيالىق كورپوراسيالاردىڭ باسشىلارى، قارجى ينستيتۋتتارى مەن حالىقارالىق ۇيىمدار بار. فورۋمعا تمد، مالايزيا، كورەيا، اۆستريا، گونكونگ، دۋباي، ۆەنگريا، جاپونيا جانە ت.ب. ەلدەردىڭ دەلەگاتتارى كۇتىلۋدە.