الماتى قالاسى وڭىرلىك كوممۋنيكاسيالار قىزمەتى الاڭىندا شەمەتوۆا گۇلنار راۆيل قىزى – الماتى قالالىق فيليالى قازاقستان رەسپۋبليكاسى ۇلتتىق بانكىنىڭ ديرەكتورىنىڭ ورىنباسارى؛

ولجايەۆ ايبار قاينار ۇلى - باسپانا يپوتەكالىق ۇيىمى سىرتقى بايلانىستار قىزمەتى جەتەكشىسىنىڭ ورىنباسارى؛

بايدوسوۆ تالعات حاكىم ۇلى – «باسپانا» اق يپوتەكالىق ۇيىمىنىڭ ءتوراعا ورىنباسارىنىڭ  قاتىسۋىمەن باسپا ءسوز كونفەرەنسياسى ءوتتى.

فيليال مەن باسپانا جۇمىسىنىڭ قورىتىندىسى جاسالدى. باعدارلامانى ىسكە اسىرۋ بويىنشا الماتى قالاسى اكىمدىگىمەن بىرلەسكەن قىزمەت، سونداي-اق بولاشاقتاعى جوسپارلار باياندالدى.

«7-20-25. ءار وتباسى ءۇشىن تۇرعىن ءۇي ساتىپ الۋدىڭ جاڭا مۇمكىندىكتەرى» يپوتەكالىق تۇرعىن ءۇي كرەديتتەۋ باعدارلاماسى قرۇب باسقارماسىنىڭ 2018 جىلعى 31 مامىرداعى №107 قاۋلىسىمەن بەكىتىلگەن. باعدارلامانى نۇرسۇلتان نازاربايەۆ 2018 جىلعى 5 ناۋرىزدا «پرەزيدەنتتىڭ بەس الەۋمەتتىك باستاماسى» حالقىنا جولداۋىندا حابارلاعان.

باعدالامانىڭ وپەراتورى قازاقستان رەسپۋبليكاسى ۇلتتىق بانكىنىڭ ەنشىلەس ۇيىمى – «باسپانا» يپوتەكالىق كومپانياسى» اق بولىپ تابىلادى.

باعدارلامانىڭ نەگىزگى شارتتارى - ستاۆكا جىلدىق 7%، باستاپقى جارنا - 20%، قارىز مەرزىمى – 25 جىلعا دەيىن، قارىز ۆاليۋتاسى – تەڭگە.

قاتىسۋشى بانكتەر – «بانك سەنتركرەديت» اق، «ەۆرازييسكيي بانك» اق، «اتف بانك» اق، «RBK Bank» اق، «حالىك بانك» اق، «سەسنا بانك» اق جانە «فورتە بانك» اق.

2018 جىلعى 22 قاراشاداعى جاعداي بويىنشا الماتى قالاسىندا بانكتەر جالپى 17 681،4 ملن. تەڭگە سوماسىنا يپوتەكالىق كرەديت الۋعا 1391 ءوتىنىم الدى.ولاردىڭ ىشىنەن 10 499،5 ملن. تەڭگە سوماسىنا 826 ءوتىنىم ماقۇلداندى.

ماقۇلدانعان وتىنىمدەر بويىنشا 8 937،3 ملن. تەڭگە سوماسىنا 689 قارىز بەرىلدى.الماتى بەرىلگەن كرەديتتەر سانى بويىنشا رەسپۋبليكادا 2-ورىنعا يە.